റിയാദ്: ഒരു വലിയ ബുള്‍ഡോസറിനടിയില്‍പ്പെട്ടിട്ടും പരുക്കേല്‍ക്കാതെ അത്ഭുതകരമായി രക്ഷപ്പെട്ട യുവാവിന്റെ വീഡിയോ സോഷ്യല്‍ മീഡിയയില്‍ വൈറലാകുന്നു. പലരും ഇതിനെ 'അത്ഭുതം' എന്നാണ് വിശേഷിപ്പിച്ചത്. സംഭവം നടന്നത് തെക്കുപടിഞ്ഞാറന്‍ സഊദി അറേബ്യയിലെ അസീര്‍ മേഖലയിലെ ബല്‍ഖര്‍ന്‍ ഗവര്‍ണറേറ്റിലുള്ള സബ്ത് അല്‍ അലയ പട്ടണത്തിലാണ്.

ALSO READ: ഇറാൻ - ഇസ്റാഈൽ സംഘർഷം: യാത്രക്കാർക്ക് നിർദേശങ്ങൾ നൽകി സഊദിയിലെ വിമാനത്താവളങ്ങൾ‌

പ്രചരിക്കുന്ന ദൃശ്യങ്ങളില്‍, വിദേശ പൗരനെന്ന് കരുതപ്പെടുന്ന ഒരു യുവാവ് റോഡിന്റെ അരികിലൂടെ നടക്കുന്നത് കാണാം. അതേസമയം, പിന്നില്‍നിന്ന് ഒരു വലിയ ബുള്‍ഡോസര്‍, മുന്‍വശത്തെ ബ്ലേഡ് തുറന്ന് താഴ്ത്തിയ നിലയില്‍ റോഡരികിലൂടെ വരുന്നു.

رجل ينجو بأعجوبة من مرور شيول من فوقه في سبت العلايا 😣

pic.twitter.com/ZwG3AsWw3A

— سلطان الزهراني | 🚘 (@PassionOfMotors) June 14, 2025

ഡ്രൈവര്‍ മുന്നിലുള്ള കാല്‍നടയാത്രക്കാരനെ ശ്രദ്ധിക്കാതെ വാഹനം ഓടിക്കുന്നത് വീഡിയോയില്‍ കാണാം. വലിയ ബ്ലേഡ് മൂലം ഡ്രൈവറുടെ ദൃശ്യപരിധി മറയ്ക്കപ്പെട്ടിരുന്നു എന്നാണ് പലരും പറയുന്നത്. ബുള്‍ഡോസറിന്റെ ബ്ലേഡ് യുവാവിനെ പിന്നില്‍നിന്ന് ഇടിച്ചു, അവന്‍ നിലത്തേക്ക് വീണ് വാഹനത്തിനടിയിലേക്ക് വീണു. എന്നാല്‍, അതിനുശേഷം സംഭവിച്ചതാണ് എല്ലാവരെയും ഞെട്ടിച്ചത്.

ALSO READ: ഉംറ വിസ ലഭിക്കാന്‍ ഹോട്ടല്‍ ബുക്കിങ് നിര്‍ബന്ധം | Umrah Visa Updates 

ബുള്‍ഡോസര്‍ മുകളിലൂടെ കടന്നുപോയതിന് ശേഷം, യുവാവ് പതുക്കെ എഴുന്നേറ്റ് നിന്നു. ഒന്നു ഭയപ്പെട്ടെങ്കിലും പരുക്കേല്‍ക്കാതെ പൊടി തട്ടി പോകുന്ന യുവാവിന്റെ വീഡിയോ നിലവില്‍ സോഷ്യല്‍ മീഡിയയില്‍ ചര്‍ച്ചയാണ്. ദൃശ്യങ്ങളില്‍ യുവാവിന് പരുക്കേറ്റതിന്റെ ലക്ഷണങ്ങളൊന്നുമില്ല. ആശുപത്രിയില്‍ പ്രവേശിപ്പിച്ചതായി ഔദ്യോഗിക റിപ്പോര്‍ട്ടുകളും ഇല്ല.

ചിലര്‍ ഇതിനെ ദൈവിക ഇടപെടലിന്റെ പ്രവൃത്തിയായി വിശേഷിപ്പിച്ചപ്പോള്‍, മറ്റുള്ളവര്‍ യുവാവിന്റെ ഭാഗ്യത്തെക്കുറിച്ചാണ് വാചാലരായത്.

A young man narrowly escapes being crushed by a bulldozer after hearing a sudden voice from behind while walking on the road. The dramatic incident was caught on camera and has since gone viral online.