തെഹ്‌റാന്‍: ലോക ഭൂപടത്തില്‍ ഭൂമിശാസ്ത്രപരമായി ഇറാനെപ്പോലെ സവിശേഷതയുള്ള മറ്റൊരു രാജ്യം ഇല്ലെന്ന് പറയാം. ലോകത്ത് ചരക്കുനീക്കത്തില്‍ നിര്‍ണായകമായ ഹോര്‍മുസ് കടലിടുക്കിനോട് ചേര്‍ന്നുള്ള രാജ്യം, രണ്ട് ഭൂഖണ്ഡങ്ങളുടെ അതിര്‍ത്തിയിലുള്ള രാജ്യം, ഒട്ടനവധി സുപ്രധാന അയല്‍ രാഷ്ട്രങ്ങളും തന്ത്രപ്രധാനമായ സമുദ്രാതിര്‍ത്തികളും... എല്ലാം ഇറാന്റെ സാന്നിധ്യം നിര്‍ണായകമാക്കുന്നു.

അഫ്ഗാനിസ്ഥാന്‍ (921 കി.മി), അര്‍മീനിയ (41 കി.മി), അസര്‍ബൈജാന്‍ (689 കി.മി), ഇറാഖ് (1,599 കി.മി), പാകിസ്ഥാന്‍ (909 കി.മി), തുര്‍ക്കി (534 കി.മി), തുര്‍ക്ക്‌മെനിസ്ഥാന്‍ (1148 കി.മി) എന്നിവയാണ് അയല്‍ രാജ്യങ്ങള്‍. പേര്‍ഷ്യന്‍ കടലിന്റെ അയല്‍ രാജ്യങ്ങളാണ് സഊദിയും യു.എ.ഇയും പോലുള്ള ഗള്‍ഫ് രാജ്യങ്ങള്‍. കൂടാതെ ഏഷ്യ, യൂറോപ്പ് എന്നീ രണ്ട് പ്രബല ഭൂഖണ്ഡങ്ങളുടെ അതിര്‍ത്തിയുമാണ് ഇറാന്‍.ഒമാനും ഇറാനുമിടയിലായി ഇറാന്റെ വടക്കും അറേബ്യന്‍ ഉപദ്വീപിന് തെക്കുമായി സ്ഥിതി ചെയ്യുന്ന സമുദ്രപ്രദേശമാണ് ഹോര്‍മുസ് കടലിടുക്ക്. കടലിടുക്കിലെ ഏറ്റവും ഇടുങ്ങിയ ഭാഗത്തിന് 39 കിലോമീറ്റര്‍ വീതിയാണുള്ളത്. 167 കിലോമീറ്റര്‍ ആണ് മാത്രം ദൈര്‍ഘ്യം. 

വീതി കൂടിയ ഭാഗത്ത് 96 കിലോമീറ്ററും വരും. കടലിലൂടെ ചരക്കുകളെയോ ആളുകളെയോ ലോകത്തിന്റെ വിവിധ ഭാഗങ്ങളിലേക്ക് കൊണ്ടുപോകുന്നതിനുള്ള ഏക മാർഗം ഈ കടലിടുക്കാണ്. ലോകത്തിലെ ആറിലൊന്ന് എണ്ണ കയറ്റുമതിയും (പ്രതിദിനം 17.2 ദശലക്ഷം വീപ്പ) നടക്കുന്നത് ഹോര്‍മുസിലൂടെയാണ്. 

ഒപെക് രാജ്യങ്ങളായ സഊദി അറേബ്യ, ഇറാന്‍, യു.എ.ഇ, കുവൈത്ത്, ഖത്തര്‍ എന്നിവിടങ്ങളിലുള്ള എണ്ണയുടെ ഭൂരിഭാഗവും പോകുന്നതും ഈ വഴിയാണ്.  ബഹ്‌റൈന്‍ ആസ്ഥാനമായ അമേരിക്കയുടെ ഫിഫ്ത്ത് ഫ്‌ലീറ്റിനാണ് സമുദ്ര പാതകള്‍ പരിരക്ഷിക്കുന്നതിനുള്ള ചുമതല. ലോകത്തെ പ്രകൃതിവാതക വ്യാപാരത്തിന്റെ അഞ്ചിലൊന്നും അസംസ്‌കൃത എണ്ണ കയറ്റുമതിയുടെ വലിയൊരു ഭാഗവും കടന്നുപോകുന്ന പാതയായതിനാല്‍ ഈ വഴിയിലുണ്ടാകുന്ന ഏതു തടസവും ലോകവ്യാപരമേഖലയിലും പ്രതിഫലിക്കും.

ഹോര്‍മുസ് കടലിടുക്കിലുണ്ടാകുന്ന ഏതു തടസവും കുഴപ്പങ്ങളും ഇന്ത്യയെയും ബാധിക്കും. കാരണം എണ്ണയ്ക്കായി ഇന്ത്യ പ്രധാനമായും ആശ്രയിക്കുന്ന സഊദി അറേബ്യ, ഇറാഖ്, യു.എ.ഇ എന്നീ രാജ്യങ്ങള്‍ ഈ പാതയിലൂടെയാണ് ചരക്കുകള്‍ നീക്കുന്നത്. അതിനാല്‍ ഇറാനെ ഇസ്‌റാഈല്‍ ആക്രമിച്ച വെള്ളിയാഴ്ച തന്നെ ആഗോളതലത്തില്‍ അസംസ്‌കൃത എണ്ണവില കൂടിയിരുന്നു. അസംസ്‌കൃത എണ്ണ ഒരു വീപ്പയ്ക്ക് 5.5 ശതമാനം വരെയാണ് ഒറ്റയടിക്ക് ഉയര്‍ന്നത്.

As tensions escalate between Iran and Israel, the Strait of Hormuz, a critical global oil transit chokepoint, gains attention. Handling nearly 20% of the world’s oil supply, this narrow waterway between Iran and Oman is vital for international trade. Iran’s threats to close the strait amid conflicts, including potential responses to Israeli strikes, could spike oil prices and disrupt global markets, making it a strategic flashpoint. Learn more about its significance