നിലമ്പൂർ: ആയിരങ്ങൾ അണിനിരക്കുന്ന മഹാസമ്മേളനങ്ങളും റാലിയും റോഡ് ഷോയുമായി പ്രചാരണം പൊടിപൊടിക്കുമ്പോൾ ഉപതെരഞ്ഞെടുപ്പ് ആരവങ്ങളില്ലാതെ കരുളായിയിലെ ആദിവാസി ഊരുകൾ. തേക്കുമരങ്ങൾ ഇടതൂർന്ന് നിൽക്കുന്ന വനമേഖലയിലെ റോഡിലൂടെ പുഴകടന്ന് ചെന്നാൽ നെടുങ്കയമായി. അവിടെയാണ് പണിയ സമുദായത്തിലെ ആദിവാസികൾ താമസിക്കുന്നത്. അവിടെനിന്ന് 20 കിലോമീറ്റർ കാടിനുള്ളിലേക്ക് കടന്നാൽ മാഞ്ചേരിയിലെത്തും. അവിടെയാണ് ഗുഹാമനുഷ്യരായ ചോലനായ്ക്കർ താമസിക്കുന്നത്. 

മുണ്ടക്കടവ് ഭാഗത്താണ് കാട്ടുനായ്ക്കർ വിഭാഗത്തിലുള്ളവരുള്ളത്. നെടുങ്കയത്തെ വനം വകുപ്പിന് കീഴിലുള്ള സെൻ്ററിലാണ് ഇവരുടെ ബൂത്ത്. നെടുങ്കയത്തെ താമസകേന്ദ്രങ്ങളിലേക്ക് മാത്രമാണ് സ്ഥാനാർഥികളും നേതാക്കളും പേരിനെങ്കിലും എത്താറുള്ളത്. അവരുടെ പ്രശ്നങ്ങൾ കേൾക്കാൻ ആർക്കും സമയമില്ല. അതിനാൽ വോട്ട് ചെയ്യണമെന്ന താൽപര്യവും അവർക്കില്ല. 
പ്രചാരണത്തിനായി കഴിഞ്ഞദിവസം സ്ഥാനാർഥി ഇവിടെ എത്തിയപ്പോൾ ആദിവാസി സ്ത്രീകൾ ആടിനെ മേയ്ച്ച് നടക്കുകയാണ്. നെടുങ്കയത്ത് നിൽക്കുമ്പോഴാണ് ചോലനായ്ക്കർ വിഭാഗത്തിൽപ്പെട്ട ഒരുസംഘം യുവാക്കൾ ജീപ്പിൽ വരുന്നത് കണ്ടത്. തേനും കാട്ടുവിഭവങ്ങളും വിൽക്കാൻ പോയശേഷം തിരികെപ്പോകുന്നവരാണ്. വോട്ടുചെയ്യാൻ 19ന് വരുമോയെന്ന് ചോദിച്ചപ്പോൾ ചിരിക്കുക മാത്രം ചെയ്തു. വോട്ടർപ്പട്ടികയിൽ പേരുണ്ടോയെന്ന് ചോദിച്ചപ്പോൾ അറിയില്ലെന്നാണ് മറുപടി.

As the Nilambur by-election campaign reaches its peak with vibrant Kottikkalasham events, the Adivasi settlements in Karulayi remain eerily quiet, untouched by the political fervor. Despite the intense campaigning by LDF, UDF, and other fronts, these tribal communities, grappling with issues like landlessness and lack of basic infrastructure, show little engagement with the electoral process, highlighting their ongoing neglect and marginalization.