ദുബൈ: ഭര്‍ത്താവ് ക്രൂരമായി മര്‍ദ്ദിച്ചതിന് ശിക്ഷിക്കപ്പെട്ടതിനെ തുടര്‍ന്ന് ഒരു ബഹ്‌റൈന്‍ സ്ത്രീക്ക് കോടതി വിവാഹമോചനം അനുവദിച്ചു. മര്‍ദ്ദനത്തില്‍ സ്ത്രീയുടെ മൂക്കിന്റെ എല്ല് പൊട്ടിയിരുന്നു.

കോടതി രേഖകള്‍ പ്രകാരം, വിവാഹജീവിതത്തില്‍ വര്‍ഷങ്ങളോളം ശാരീരികവും വാക്കാലുള്ളതുമായ ഉപദ്രവം സഹിച്ച ഇവര്‍ കുടുംബം നിലനിര്‍ത്താനായി മൗനം പാലിക്കുകയായിരുന്നു.

ഈ വര്‍ഷം ആദ്യം, മര്‍ദ്ദനം സഹിക്കവയ്യാതെ വന്നപ്പോള്‍ അവര്‍ സഹായം തേടി. ഉപദ്രവം 'ദീര്‍ഘകാലവും രേഖപ്പെടുത്തിയിട്ടുള്ളതുമാണെന്ന്' അവരുടെ അഭിഭാഷകന്‍ പ്രാദേശിക മാധ്യമങ്ങളോട് പറഞ്ഞു.

ബഹ്‌റൈനിലെ ക്രിമിനല്‍ കോടതി ഭര്‍ത്താവിനെ മര്‍ദ്ദനം, അപമാനം, മോശം പെരുമാറ്റം എന്നീ കുറ്റങ്ങള്‍ക്ക് ശിക്ഷിക്കുകയും, 500 ബഹ്‌റൈന്‍ ദിനാര്‍ പിഴ വിധിക്കുകയും ചെയ്തു. 

ക്രിമിനല്‍ കോടതി വിധിയെ അടിസ്ഥാനമാക്കി, സ്ത്രീ ശരീഅത്ത് കോടതിയില്‍ ഉപദ്രവം ചൂണ്ടിക്കാട്ടി വിവാഹമോചനം ആവശ്യപ്പെട്ടു. മര്‍ദ്ദനത്തിന്റെ തീവ്രത ഒത്തുതീര്‍പ്പ് അസാധ്യമാക്കുന്നുവെന്ന് കോടതി കണ്ടെത്തി. തുടര്‍ന്ന്, ന്യായാധിപന്മാര്‍ അവര്‍ക്ക് വിവാഹമോചനം (ഖുല്‍) അനുവദിച്ചു.

A Bahraini woman has been granted a divorce by the court after her husband was convicted of violently assaulting her, resulting in a broken nose. Despite years of physical and verbal abuse, the woman initially remained silent to preserve her family. However, the severity of the violence escalated, prompting her to seek help. The husband was fined BD500 after being found guilty of assault, insult, and mistreatment. The court accepted the criminal verdict as conclusive proof of abuse, ruling that reconciliation was impossible