ഫുട്ബോളിൽ ക്രിസ്റ്റ്യാനോ റൊണാൾഡോ ഒരു ഇതിഹാസ താരമായി മാറുന്നതിന് കാരണക്കാരായ മൂന്ന് താരങ്ങൾ ആരൊക്കെയാണെന്ന് പറയുകയാണ് മാഞ്ചസ്റ്റർ യുണൈറ്റഡിന്റെ മുൻ ബ്രസീലിയൻ മിഡ്‌ഫീൽഡർ ക്ലെബർസൺ. റൊണാൾഡോയുടെ വളർച്ചയിൽ റിയോ ഫെർഡിനാൻഡ്, റോയ് കീൻ, ഗാരി നെവിൽ എന്നിവർ നിർണായകമായ പങ്ക് വഹിച്ചിട്ടുണ്ടെന്നാണ് ക്ലെബർസൺ പറഞ്ഞത്.

''മാഞ്ചസ്റ്റർ യുണൈറ്റഡിൽ റൊണാൾഡോക്ക് സർ അലക്സ് ഫെർഗൂസൺ എന്ന പ്രത്യേക ഉപദേഷ്ടാവ് ഉണ്ടായിരുന്നു, അദ്ദേഹം റൊണാൾഡോയെ ശരിയായ ദിശയിലേക്ക് നയിച്ചു. ഫെർഡിനാൻഡ്, റോയ് കീൻ, ഗാരി നെവിൽ എന്നിവർ റൊണാൾഡോയെ മികച്ച താരമാകാൻ സഹായിച്ചു. ആ കാലങ്ങളിൽ റൊണാൾഡോക്ക് ഉണ്ടായിരുരുന്ന ശക്തമായ മാനസികാവസ്ഥ എന്നെ ശരിക്കും ആകർഷിച്ചു'' റൊണാൾഡോ ദി മിററിന് നൽകിയ അഭിമുഖത്തിൽ പറഞ്ഞു.

പോർച്ചുഗീസ് ക്ലബ് സ്പോർട്ടിങ്ങിൽ നിന്നും18 വയസ്സുള്ളപ്പോഴാണ് റൊണാൾഡോ മാഞ്ചസ്റ്റർ യുണൈറ്റഡിൽ എത്തിയത്. 12 മില്യൺ പൗണ്ടിനായിരുന്നു റൊണാൾഡോഓൾഡ് ട്രാഫോർഡിൽ എത്തിയത്. ഈ കാലങ്ങളിൽ ഇംഗ്ലീഷ് പ്രീമിയർ ലീഗിൽ കളിക്കുന്ന ഒരു യുവതാരത്തിന് ലഭിക്കുന്ന റെക്കോർഡ് തുകയായിരുന്നു ഇത്. മാഞ്ചസ്റ്റർ യുണൈറ്റഡിന്റെ ഇതിഹാസ പരിശീലകൻ സർ അലക്‌സ് ഫെർഗൂസൻ്റെ കീഴിൽ റൊണാൾഡോ ഫുട്ബോളിലെ ഏറ്റവും മികച്ച താരമായി സ്വയം അടയാളപ്പെടുത്തുകയായിരുന്നു.

ഓൾഡ് ട്രാഫോർഡിൽ ആറ് സീസണുകൾ പന്തുതട്ടിയ റൊണാൾഡോ ഒരുപിടി കിരീടങ്ങളും തന്റെ ആദ്യ ബാലൺ ഡി ഓർ അവാർഡും സ്വന്തമാക്കിയിരുന്നു. 2009ൽ റൊണാൾഡോ മാഞ്ചസ്റ്റർ യുണൈറ്റഡ് വിട്ട് റയൽ മാഡ്രിഡിലേക്ക് കൂടുമാറുകയായിരുന്നു. 2021ൽ റൊണാൾഡോ വീണ്ടും തന്റെ പഴയ തട്ടകമായ മാഞ്ചസ്റ്റർ യുണൈറ്റഡിലേക്ക് മടങ്ങി എത്തിയിരുന്നു. റെഡ് ഡെവിൾസിനായി രണ്ട് കാലഘട്ടങ്ങളിലായി കളിച്ച റൊണാൾഡോ 346 മത്സരങ്ങളിൽ നിന്ന് 145 ഗോളുകൾ നേടുകയും 64 അസിസ്റ്റുകളും ആണ് നേടിയത്. 

Former Manchester United Brazilian midfielder Kleberson names the three players who helped make Cristiano Ronaldo a football legend