ടെൽ അവീവ്: ഇറാനെതിരെ കടുത്ത ഭീഷണിയുമായി ഇസ്റാഈൽ പ്രതിരോധ മന്ത്രി. "സദ്ദാം ഹുസൈന്റെ പാത പിന്തുടരുന്നവർക്ക് സദ്ദാം ഹുസൈന്റെ വിധി കാത്തിരിക്കുന്നു," എന്നാണ് ഭീഷണി. ഇറാന്റെ പരമോന്നത നേതാവ് അയത്തുല്ലാ അലി ഖാംനഇയെ  ലക്ഷ്യമിട്ടാണ് ഈ പ്രസ്താവനയെന്ന് വിലയിരുത്തപ്പെടുന്നു.

അതിനിടെ, ഇറാൻ-ഇസ്റാഈൽ സംഘർഷത്തിൽ ചൈന ആശങ്ക പ്രകടിപ്പിച്ചു. ഇത്തരം വിഷയത്തിൽ ആദ്യമായാണ് ചൈനയുടെ പ്രതികരണം. ഏതൊരു രാജ്യത്തിന്റെയും സുരക്ഷയും പരമാധികാരവും ഹനിക്കുന്ന നടപടികളെ ചൈന ശക്തമായി എതിർക്കുന്നുവെന്ന് പ്രസിഡന്റ് ഷി ജിൻ പിംഗ് വ്യക്തമാക്കി.

രാജ്യങ്ങൾ തമ്മിലുള്ള പ്രശ്നങ്ങൾ പരിഹരിക്കാൻ സൈനിക നടപടികൾ പാടില്ലെന്നും മിഡിൽ ഈസ്റ്റിലെ സംഘർഷം അന്താരാഷ്ട്ര താൽപര്യങ്ങൾക്ക് എതിരാണെന്നും അദ്ദേഹം ചൂണ്ടിക്കാട്ടി. മേഖലയിൽ സമാധാനം പുനഃസ്ഥാപിക്കാൻ എല്ലാ കക്ഷികളുമായി ചേർന്ന് പ്രവർത്തിക്കാൻ ചൈന തയ്യാറാണെന്നും ഷി ജിൻ പിംഗ് കസാഖ്സ്താനിലെ ഒരു യോഗത്തിൽ പറഞ്ഞു.

Israel’s Defense Minister warned Iran, stating, "Those following Saddam Hussein’s path will meet his fate," targeting Iran’s Supreme Leader Ayatollah Ali Khamenei. China voiced concern over the Israel-Iran conflict, opposing actions that violate sovereignty and urging peaceful resolutions. President Xi Jinping emphasized de-escalation in the Middle East.