ദുബൈ: മോഷ്ടിച്ച ക്രെഡിറ്റ് കാര്‍ഡ് ഉപയോഗിച്ച് നിയമവിരുദ്ധമായി സാധനങ്ങള്‍ വാങ്ങിയ അറബ് യുവാവിന് ദുബൈ കോടതി ഒരു മാസം തടവും 7,596 ദിര്‍ഹം പിഴയും വിധിച്ചു. തടവുശിക്ഷക്ക് ശേഷം ഇയാളെ നാടുകടത്താനും കോടതി ഉത്തരവിട്ടു.

പബ്ലിക് പ്രോസിക്യൂഷന്‍ യുവാവിനെതിരെ രണ്ട് കുറ്റങ്ങളാണ് ചുമത്തിയത്. ക്രെഡിറ്റ് കാര്‍ഡ് ഉപയോഗിച്ച് ഫണ്ട് തട്ടിയെടുക്കല്‍, ബാങ്ക് അക്കൗണ്ട് ഡാറ്റയും ഇലക്ട്രോണിക് പേയ്‌മെന്റ് വിവരങ്ങളും ശേഖരിക്കല്‍ എന്നിവയാണ് യുവാവിനെതിരെ ചുമത്തിയ കുറ്റങ്ങള്‍. എമറാത്ത് അല്‍ യൂമിന്റെ റിപ്പോര്‍ട്ട് പ്രകാരം, പ്രതി കുറ്റം നിഷേധിച്ചെങ്കിലും ശിക്ഷിക്കാന്‍ മതിയായ തെളിവുകള്‍ കോടതിയില്‍ ഹാജരാക്കപ്പെട്ടിരുന്നു. വിധിക്കെതിരെ പ്രതി അപ്പീല്‍ നല്‍കിയിട്ടില്ല.

ALSO READ: ഇറാൻ-ഇസ്രായേൽ സംഘർഷം: അബൂദബി വിമാനത്താവളത്തിൽ വിമാന സർവിസുകൾ തടസ്സപ്പെട്ടു

ഈ വര്‍ഷം മാര്‍ച്ചില്‍ ഒരു ഏഷ്യന്‍ ഡോക്ടറുടെ ക്രെഡിറ്റ് കാര്‍ഡ് ഉപയോഗിച്ച് 120,000 ദിര്‍ഹത്തിന്റെ 14 അനധികൃത ഇടപാടുകള്‍ നടന്ന സംഭവത്തിന് സമാനമാണ് ഈ കേസ്. ശസ്ത്രക്രിയയ്ക്കിടെ ഓപ്പറേഷന്‍ തിയേറ്ററില്‍ ആയിരുന്ന ഡോക്ടര്‍, പുറത്തിറങ്ങിയപ്പോളാണ് തട്ടിപ്പ് മനസ്സിലായതെന്ന് ഖലീജ് ടൈംസിനോട് പറഞ്ഞു. ഇടപാടുകള്‍ നടത്താതെ ബാങ്ക് അക്കൗണ്ടില്‍ നിന്ന് പണം നഷ്ടപ്പെട്ടപ്പോഴാണ് ഇവര്‍ക്ക് ക്രെഡിറ്റ് കാര്‍ഡ് മോഷ്ടിക്കപ്പെട്ടെന്ന കാര്യം മനസ്സിലായത്.

യുഎഇയില്‍ ഇത്തരം കേസുകള്‍ വര്‍ധിക്കുന്നതായി സൈബര്‍ സുരക്ഷാ വിദഗ്ധര്‍ മുന്നറിയിപ്പ് നല്‍കി. ചില പൊതുമേഖലാ സ്ഥാപനങ്ങള്‍ ദിനംപ്രതി 50,000 വരെ സൈബര്‍ ഭീഷണികള്‍ നേരിടുന്നുണ്ട്.

ALSO READ: ഒമാന്‍ ഉള്‍ക്കടലില്‍ കപ്പലുകൾ കൂട്ടിയിടിച്ച് അപകടം; 24 പേരെ രക്ഷപ്പെടുത്തി യുഎഇ 

ഓണ്‍ലൈന്‍ ഇടപാടുകള്‍ വര്‍ധിക്കുന്നതിനനുസരിച്ച്, കുറ്റവാളികള്‍ ചൂഷണം ചെയ്യുന്ന പഴുതുകളും കൂടുന്നു. അക്കൗണ്ടുകള്‍ സൂക്ഷ്മമായി നിരീക്ഷിക്കാനും ഇടപാട് അലേര്‍ട്ടുകള്‍ സജ്ജമാക്കാനും സംശയാസ്പദ പ്രവര്‍ത്തനങ്ങള്‍ ഉടന്‍ റിപ്പോര്‍ട്ട് ചെയ്യാനും വിദഗ്ധര്‍ ഉപദേശിക്കുന്നു.

A man has been sentenced to prison and will be deported after being found guilty of using a stolen credit card for purchases in Dubai. The court's ruling highlights the strict stance on financial fraud.