ന്യൂയോര്‍ക്ക്: മിഡില്‍ ഈസ്റ്റിലേക്ക് അമേരിക്ക കൂടുതല്‍ യുദ്ധവിമാനങ്ങള്‍ അയക്കാന്‍ നീക്കം നടത്തുന്നതായി അന്താരാഷ്ട്ര വാര്‍ത്താ ഏജന്‍സിയായ റോയിട്ടേഴ്‌സ് റിപ്പോര്‍ട്ട് ചെയ്തു. ഇസ്‌റാഈല്‍-ഇറാന്‍ സംഘര്‍ഷം കൂടുതല്‍ വ്യാപിക്കുന്ന സാഹചര്യത്തിലാണ് അമേരിക്കയുടെ നീക്കം.

ALSO READ: ഇസ്റാഈൽ-ഇറാൻ സംഘർഷം: വെടിനിർത്തലിനും ആണവ ചർച്ചകൾക്കും ആഹ്വാനം ചെയ്ത് ഈജിപ്ഷ്യൻ വിദേശകാര്യ മന്ത്രി 

എഫ് 35, എഫ് 22, എഫ് 16 യുദ്ധ വിമാനങ്ങളാകും അമേരിക്ക മേഖലയിലേക്ക് അയക്കുക എന്നാണ് സൂചന. വിമാന വാഹിനി കപ്പലുകളും ബാലിസ്റ്റിക് മിസൈലുകളും തകര്‍ക്കാന്‍ കെല്‍പ്പുള്ള യുദ്ധക്കപ്പലുകളും മേഖലയിലേക്ക് അയക്കുമെന്ന് റിപ്പോര്‍ട്ടുണ്ട്.

ഏരിയല്‍ ഇന്ധന ടാങ്കുകളും മേഖലയില്‍ വിന്യസിക്കും. ഇസ്‌റാഈല്‍ യുദ്ധവിമാനങ്ങള്‍ക്ക് ആകാശത്ത് വെച്ച് ഇന്ധനം നിറയ്ക്കുന്നതിനാണിതെന്നാണ് സൂചന. എന്നാല്‍ ഇതേക്കുറിച്ച് പ്രതികരിക്കാന്‍ അമേരിക്ക തയ്യാറായില്ല.

മിഡില്‍ ഈസ്റ്റിലെ അമേരിക്കന്‍ സൈനികരുടെ സുരക്ഷ പരിഗണിച്ചാണ് നീക്കമെന്ന് അമേരിക്കന്‍ പ്രതിരോധ സെക്രട്ടറി പീറ്റ് ഹെഗ്‌സെത് പറഞ്ഞു. മേഖലയില്‍ അമേരിക്കയുടെ നാല്‍പ്പതിനായിരം സൈനികരും വ്യോമപ്രതിരോധ സംവിധാനങ്ങളും യുദ്ധക്കപ്പലുകളുമുണ്ട്.

ALSO READ: ഇസ്‌റാഈല്‍ ഇന്റലിജന്‍സ് കേന്ദ്രങ്ങള്‍ ലക്ഷ്യമിട്ട് ആക്രമണം നടത്തിയെന്ന് ഇറാന്‍

ഇതിനുപുറമേ അമേരിക്കയോട് ഇസ്‌റാഈല്‍ ബങ്കര്‍ ബസ്റ്റിങ് ബോംബുകള്‍ ചോദിച്ചതായി റിപ്പോര്‍ട്ടുണ്ട്. ഇറാന്റെ ഭൂഗര്‍ഭ കേന്ദ്രങ്ങളിലുള്ള ആണവ കേന്ദ്രങ്ങള്‍ ആക്രമിക്കാനാണിതെന്നാണ് സൂചന.

As tensions escalate between Iran and Israel, the US is bolstering its military presence in the Middle East with F-16, F-22, and F-35 fighter jets, alongside the USS Nimitz aircraft carrier. Amid speculation of direct US involvement, President Trump’s cryptic statements and defensive posturing raise questions about America’s role in the ongoing conflict.