കണ്ണൂര്‍: കണ്ണൂര്‍ നഗരത്തില്‍ വീണ്ടും തെരുവുനായ ആക്രമണം. ഇന്നലെയും ഇന്നുമായി 67 പേര്‍ക്കാണ് തെരുവുനായയുടെ കടിയേറ്റത്. ഇന്ന് റെയില്‍വേ സ്റ്റേഷന്‍ പരസിരത്തു നിന്ന് 11 പേര്‍ക്ക് കടിയേറ്റു. ഇന്നലെ 56 പേരാണ് തെരുവുനായയുടെ ആക്രമണത്തിന് ഇരയായത്.  കണ്ണൂര്‍ പഴയ ബസ് സ്റ്റാന്‍ഡ് പരിസരം, പ്രഭാത് ജങ്ഷന്‍, എസ്.ബി.ഐ പരിസരം തുടങ്ങി നഗരത്തിന്റെ വിവിധ ഭാഗങ്ങളിലാണ് ഇന്നലെ രാവിലെ പതിനൊന്നോടെ തെരുവുനായ ആക്രമണമുണ്ടായത്.

പ്ലസ് വണ്‍ വിദ്യാര്‍ഥി നീര്‍ക്കടവിലെ അവനീത് (16), ഫോര്‍ട്ട് റോഡ് ഇന്ത്യന്‍ കോഫീ ഹൗസ് ജീവനക്കാരന്‍ കൂത്തുപറമ്പിലെ സിബിന്‍(32), മുഴപ്പിലങ്ങാട് സ്വദേശി അബ്ദുല്‍ നാസര്‍(63), തളിപ്പറമ്പിലെ ഗണേഷ് കുമാര്‍(55), കാങ്കോലിലെ വിജിത്ത്(33), തമിഴ്നാട് ചിന്നസേലം സ്വദേശി ഭാഗ്യരാജ്(35), മുണ്ടേരിയിലെ റാഷിദ (22), അഞ്ചരക്കണ്ടിയിലെ റജില്‍(19), എസ്.ബി.ഐ ജീവനക്കാരന്‍ രജീഷ്(39), എറണാകുളം സ്വദേശി രവികുമാര്‍ (40), കണ്ണപുരത്തെ ശ്രീലക്ഷ്മി (22), കുറുവ വട്ടക്കുളത്തെ അജയകുമാര്‍ (60), വാരം സ്വദേശി സുഷില്‍ (30), കൂത്തുപറമ്പിലെ സഹദേവന്‍(61), കീഴറയിലെ ഹമീദ് (70), രാമന്തളിയിലെ പവിത്രന്‍(71), കടമ്പൂരിലെ അശോകന്‍ (60), നായാട്ടുപാറ സ്വദേശി സീന (52), കൂത്തുപറമ്പിലെ മനോഹരന്‍ (66), പുതിയതെരുവിലെ വിജിന (37), കൊട്ടിയൂരിലെ സാജു വാക്യാട്ട്( 65), വിദ്യാര്‍ഥിനി കാഞ്ഞങ്ങാടിലെ നന്ദന (21), മണിക്കടവിലെ ജിനോ (46), കക്കാടിലെ വി. ഫാത്തിമ റാനിയ(18), കൂത്തുപറമ്പിലെ പി. അയൂബ്(54), പി. ജസീല(35) മൂന്നുനിരത്ത്, വി.പി രജീഷ്(39)കുറ്റ്യാടി, തേജ രാജീവന്‍(20) വടകര, ജിഷ്ണു നാഗന്‍(25) പാലക്കാട്, എം. ആരോണ്‍ ഷാജി(16) ഏച്ചൂര്‍, എം.ഐ അഞ്ജന(26) തളിപ്പറമ്പ്, എം.വി.കെ കരീം(65) മാട്ടൂല്‍, കെ. സമീല്‍(38) കണ്ണൂര്‍സിറ്റി,  ജിബിന്‍ കുമാര്‍(26), കോളയാട്, മുഹമ്മദ്(20) വേങ്ങാട്, പി.വി ധനേഷ്‌കുമാര്‍(50) തളിപ്പറമ്പ്, ആയിഷ(30) മാച്ചേരി, മണി(65) ബര്‍ണശേരി, അനൂപ് പയ്യാവൂര്‍ (33), ഷഫീഖ് മാച്ചേരി (43) തുടങ്ങി 56 ഓളം പേര്‍ക്കാണ് തെരുവുനായയുടെ കടിയേറ്റത്. ഇവര്‍ ജില്ലാ ആശുപത്രിയില്‍ ചികിത്സ തേടി. ചികിത്സ തേടിയ ഭൂരിഭാഗം പേര്‍ക്കും കടിയേറ്റത് കാലിനാണ്. 

ALSO READ: യുഎസ് യുദ്ധവിമാനങ്ങള്‍ മിഡില്‍ ഈസ്റ്റിലേക്ക്; ഇറാന്‍-ഇസ്‌റാഈല്‍ സംഘര്‍ഷത്തില്‍ നേരിട്ട് ഇടപടാന്‍ അമേരിക്ക?

നടന്നുപോകുമ്പോള്‍ നായ ഓടി വന്നു കടിക്കുകയായിരുന്നുവെന്ന് കടിയേറ്റവര്‍ പറഞ്ഞു. ഓരോരുത്തരും ജില്ലാ ആശുപത്രിയില്‍ ചികിത്സ തേടി എത്തിയപ്പോഴാണ് നഗരത്തില്‍ വ്യാപകമായി തെരുവുനായ അക്രമണമുണ്ടായത് മനസിലായത്. ഒരു നായ തന്നെയാണ് എല്ലാവരെയും കടിച്ചത്. ഇതോടെ ജനങ്ങള്‍ പരിഭ്രാന്തരായി. കോര്‍പറേഷന്റെ നേതൃത്വത്തില്‍ നായയെ പിടികൂടാന്‍ ശ്രമിച്ചെങ്കിലും കണ്ടെത്താനായിട്ടില്ല. നഗരത്തിന്റെ വിവിധ ഭാഗങ്ങളില്‍ തെരുവുനായ ശല്യം രൂക്ഷമാണ്. പഴയ ബസ് സ്റ്റാന്‍ഡ്, കാല്‍ടെക്സ്, ജില്ലാ പഞ്ചായത്ത് പരിസരം, പയ്യാമ്പലം ബീച്ച് പരിസരം, മുനീശ്വരം കോവില്‍ തുടങ്ങി എല്ലായിടത്തും തെരുവുനായകള്‍ വ്യാപകമായി വിഹരിക്കുകയാണ്.  കണ്ണൂര്‍ നഗരത്തെ വിറപ്പിച്ച നായയെ പിന്നീട് ചത്ത നിലയില്‍ കണ്ടെത്തി. 

Stray dog menace continues in Kannur city with 67 people attacked in just two days. Areas near Kannur Railway Station, Old Bus Stand, and SBI Junction reported multiple incidents of dog bites. Authorities urged to take immediate action.