ദുബൈ/തെഹ്‌റാന്‍: ഇറാനെ ലക്ഷ്യമിട്ടുള്ള ഇസ്‌റാഈല്‍ സൈനിക ആക്രമണങ്ങളുടെ പശ്ചാത്തലത്തില്‍ ഇറാനോടും ഇറാനിലെ ജനങ്ങളോടും ഐക്യദാര്‍ഢ്യം പ്രകടിപ്പിച്ച് യുഎഇ പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍. സംഘര്‍ഷം ലഘൂകരിക്കുന്നതിനും പ്രാദേശിക സംഘര്‍ഷം കുറയ്ക്കുന്നതിനുമുള്ള യുഎഇയുടെ പ്രതിബദ്ധത ഷെയ്ഖ് മുഹമ്മദ് ഊന്നിപ്പറഞ്ഞു.

ALSO READ: മോഷ്ടിച്ച ക്രെഡിറ്റ് കാര്‍ഡ് ഉപയോഗിച്ച് പര്‍ച്ചേഴ്‌സ് നടത്തിയ യുവാവിന് തടവും നാടുകടത്തലും വിധിച്ച് ദുബൈ കോടതി

ഇറാന്‍ പ്രസിഡന്റ് മസൂദ് പെഷേഷ്‌കിയനുമായി നടത്തിയ ഫോണ്‍ സംഭാഷണത്തിനിടെയാണ് യുഎഇ പ്രസിഡന്റിന്റെ പരാമര്‍ശം. വര്‍ധിച്ചുവരുന്ന സംഘര്‍ഷം പ്രാദേശിക സമാധാനത്തിനും സുരക്ഷയ്ക്കും ഉണ്ടാക്കുന്ന ഗുരുതരമായ പ്രത്യാഘാതങ്ങളെക്കുറിച്ച് ഇരു നേതാക്കളും ചര്‍ച്ച ചെയ്തു.

സ്ഥിതിഗതികള്‍ ശാന്തമാക്കുന്നതിനും കൂടുതല്‍ അസ്ഥിരത ഒഴിവാക്കുന്നതിനും പ്രധാന പങ്കാളികളുമായി നയതന്ത്ര കൂടിയാലോചനകളില്‍ യുഎഇ സജീവമായി ഏര്‍പ്പെടുന്നുണ്ടെന്ന് ഷെയ്ഖ് മുഹമ്മദ് പറഞ്ഞു. മേഖലയിലെ സമാധാനം പുനഃസ്ഥാപിക്കുന്നതിനും നയതന്ത്ര ചര്‍ച്ചകള്‍ പ്രോത്സാഹിപ്പിക്കുന്നതിനും സഹായിക്കുന്ന ഏതൊരു നടപടിക്കും യുഎഇയുടെ പിന്തുണ അദ്ദേഹം ഉറപ്പിച്ചു.

ALSO READ: യുഎഇയില്‍ ജീവനക്കാര്‍ കൂട്ടത്തോടെ ജോലി ഉപേക്ഷിക്കുന്നതിനു പിന്നിലെ പ്രധാന കാരണമിത്

മിഡില്‍ ഈസ്റ്റില്‍ വര്‍ധിച്ചുവരുന്ന സംഘര്‍ഷക്കുറിച്ചുള്ള ആശങ്കകള്‍ക്കിടയില്‍, നയതന്ത്രത്തിനും സംഘര്‍ഷങ്ങളുടെ സമാധാനപരമായ പരിഹാരത്തിനും മുന്‍ഗണന നല്‍കുന്നതിനുള്ള യുഎഇയുടെ വിശാലമായ പ്രാദേശിക സമീപനത്തെയാണ് നീക്കം അടിവരയിടുന്നത്.

The UAE has extended its solidarity to Iran amid escalating tensions, with President Sheikh Mohammed bin Zayed Al Nahyan engaging in a crucial phone conversation with Iranian President Masoud Pezeshkian. The discussion, held on June 18, 2025, at 10:13 AM IST, focused on de-escalating regional conflicts and promoting peace, highlighting UAE's commitment to diplomatic solutions.