ന്യൂയോർക്ക്: ‘എഐയുടെ ഗോഡ്ഫാദർ’ എന്നറിയപ്പെടുന്ന ജെഫ്രി ഹിന്റൺ, കൃത്രിമ ബുദ്ധി (എഐ) വൻതോതിൽ തൊഴിൽ നഷ്ടത്തിന് കാരണമാകുമെന്ന് മുന്നറിയിപ്പ് നൽകി. "ഡയറി ഓഫ് എ സിഇഒ" പോഡ്കാസ്റ്റിൽ സംസാരിക്കവെ,ഈ കാറ്യം പറഞ്ഞത്. പാരാലീഗൽ, കോൾ സെന്റർ ജീവനക്കാർ തുടങ്ങിയ ഓഫീസ് ജോലികൾ എഐ പൂർണമായും ഏറ്റെടുക്കുമെന്ന് അദ്ദേഹം പറഞ്ഞു. “സാധാരണ ബൗദ്ധിക ജോലികളിൽ എഐ എല്ലാവരെയും പകരം വയ്ക്കും. വളരെ വൈദഗ്ധ്യമുള്ളവർക്ക് മാത്രമേ എഐക്ക് ചെയ്യാനാകാത്ത ജോലികൾ ലഭിക്കൂ,” എന്ന് ഹിന്റൺ വ്യക്തമാക്കി.

78-കാരനായ ഹിന്റൺ, 1970-കളിൽ ന്യൂറൽ നെറ്റ്‌വർക്ക് ഗവേഷണത്തിന് തുടക്കമിട്ടയാളാണ്. മുമ്പ് ഗൂഗിളിൽ ജോലി ചെയ്ത അദ്ദേഹം ഇപ്പോൾ ടൊറന്റോ സർവകലാശാലയിൽ കമ്പ്യൂട്ടർ സയൻസ് പ്രൊഫസർ എമറിറ്റസാണ്. 2024-ൽ മെഷീൻ ലേണിംഗിനുള്ള സംഭാവനകൾക്ക് അദ്ദേഹത്തിന് ഫിസിക്സിനുള്ള നൊബേൽ സമ്മാനം ലഭിച്ചു.

എഐ ചില വ്യവസായങ്ങളിൽ മനുഷ്യർക്ക് സഹായിയായി പ്രവർത്തിച്ചേക്കാമെങ്കിലും, ഇത് തൊഴിലവസരങ്ങൾ കുറയ്ക്കുമെന്ന് ഹിന്റൺ ചൂണ്ടിക്കാട്ടി. “ഒരു വ്യക്തി എഐയുടെ സഹായത്തോടെ 10 പേരുടെ ജോലി ചെയ്യുന്ന സ്ഥിതിയുണ്ടാകും,” അദ്ദേഹം പറഞ്ഞു. കോൾ സെന്റർ ജോലിക്കാർക്ക് ഇപ്പോൾ “ഭയപ്പെടേണ്ട” അവസ്ഥയാണെന്നും, പുതുതായി ബിരുദം നേടുന്നവർക്ക് ലഭിച്ചിരുന്ന തുടക്കക്കാരുടെ ജോലികൾ പോലും എഐ ഏറ്റെടുക്കുന്നുണ്ടെന്നും അദ്ദേഹം മുന്നറിയിപ്പ് നൽകി.

എന്നാൽ, ശാരീരിക ജോലികൾ ആവശ്യമായ മേഖലകൾ തൽക്കാലം സുരക്ഷിതമാണെന്ന് ഹിന്റൺ പറഞ്ഞു. “എഐയ്ക്ക് ശാരീരിക കഴിവുകളിൽ മനുഷ്യരെപ്പോലെ പ്രാവീണ്യം നേടാൻ ഇനിയും കാലമെടുക്കും. അതിനാൽ, പ്ലംബർ പോലുള്ള ജോലികൾ തിരഞ്ഞെടുക്കുന്നത് നല്ലതാണ്,” എന്ന് അദ്ദേഹം നിർദേശിച്ചു.

എഐ പുതിയ തൊഴിൽ മേഖലകൾ സൃഷ്ടിക്കുമെന്ന വാദത്തിൽ ഹിന്റൺ സംശയം പ്രകടിപ്പിച്ചു. “ബൗദ്ധിക ജോലികൾ എല്ലാം എഐ ഏറ്റെടുത്താൽ, മനുഷ്യർക്ക് എന്താണ് ചെയ്യാനുള്ളത്?” എന്ന് അദ്ദേഹം ചോദിച്ചു. തൊഴിൽ നഷ്ടം നികത്താൻ യൂണിവേഴ്സൽ ബേസിക് ഇൻകം (UBI) പോലുള്ള പദ്ധതികൾ സർക്കാരുകൾ നടപ്പാക്കിയാലും, ജോലിയില്ലാത്തതിന്റെ മാനസിക പ്രത്യാഘാതങ്ങൾ ഗുരുതരമായിരിക്കുമെന്ന് അദ്ദേഹം മുന്നറിയിപ്പ് നൽകി. “മനുഷ്യർക്ക് എന്തെങ്കിലും ചെയ്യാനുള്ള ആഗ്രഹമുണ്ട്. യൂണിവേഴ്സൽ ബേസിക് ഇൻകം മാത്രം പോര,” ഹിന്റൺ പറഞ്ഞു.

ഹിന്റന്റെ മുന്നറിയിപ്പുകൾക്ക് പിന്തുണയായി സമീപകാല റിപ്പോർട്ടുകളും വരുന്നു. 2025 മേയിലെ സിഗ്നൽഫയർ റിപ്പോർട്ട് പ്രകാരം, മെറ്റ, ഗൂഗിൾ പോലുള്ള ടെക് കമ്പനികൾ 2023-24 കാലയളവിൽ പുതിയ ബിരുദധാരികളുടെ നിയമനം 25% വെട്ടിക്കുറച്ചു. 2024-ൽ 7% ജോലികൾ മാത്രമാണ് പുതുമുഖങ്ങൾക്ക് ലഭിച്ചത്. ബാങ്കിംഗ് മേഖലയിലും എഐ തൊഴിൽ വെട്ടിക്കുറക്കലിന് കാരണമാകുന്നു. മോർഗൻ സ്റ്റാൻലി 2,000 ജീവനക്കാരെ പിരിച്ചുവിട്ടു, ബ്ലൂംബെർഗ് ഇന്റലിജൻസ് റിപ്പോർട്ട് അനുസരിച്ച്, അടുത്ത അഞ്ച് വർഷത്തിനുള്ളിൽ 93 പ്രമുഖ ബാങ്കുകളിൽ 200,000 തൊഴിലവസരങ്ങൾ എഐ മൂലം നഷ്ടമാകാം.

ആരോഗ്യ മേഖല പോലുള്ള ചില മേഖലകൾ എഐ ഉൾക്കൊണ്ടാലും തൊഴിൽ നഷ്ടം കുറവായിരിക്കുമെന്ന് ഹിന്റൺ സമ്മതിച്ചു, കാരണം അവിടെ “അനന്തമായ” ഡിമാൻഡുണ്ട്. എന്നാൽ, “മിക്ക ജോലികളും അങ്ങനെയല്ല,” എന്ന് അദ്ദേഹം ഊന്നിപ്പറഞ്ഞു.

ഈ പ്രവണതയ്ക്ക് അനുസരിച്ച്,ജെൻ ഇസഡ് തലമുറയിലെ പലരും ഓഫീസ് ജോലികളുടെ ദൗർലഭ്യം മൂലം പ്ലംബിംഗ് പോലുള്ള ശാരീരിക വ്യാപാര ജോലികളിലേക്ക് തിരിയുന്നതായി ബിസിനസ് ഇൻസൈഡർ റിപ്പോർട്ട് ചെയ്തു.

Geoffrey Hinton, the "Godfather of AI," warned on the "Diary of a CEO" podcast that AI will eliminate many white-collar jobs, like paralegals and call center roles, with mass layoffs already underway. While physical trades like plumbing remain safer, Hinton doubts AI will create enough new jobs. He cautioned that even universal basic income won’t address the loss of purpose from joblessness. A 2024 Nobel Prize winner, Hinton noted healthcare might resist cuts, but most sectors won’t.