കന്യാകുമാരിയിൽ ദളിത് യുവാവിനെ പെൺസുഹൃത്തിന്റെ വീടിന്റെ മുകൾ നിലയിൽ തൂങ്ങിമരിച്ച നിലയിൽ കണ്ടെത്തി. കോയമ്പത്തൂരിലെ ഒരു ഐടി സ്ഥാപനത്തിലെ ജീവനക്കാരനായ ധനുഷാണ് (22) മരിച്ചത്. 

സ്കൂൾ കാലം മുതൽ യുവാവും പെൺകുട്ടിയും തമ്മിൽ പ്രണയത്തിലായിരുന്നുവെന്ന് സുഹൃത്തുക്കൾ പറയുന്നു. അതേസമയം, പ്രണയം പെൺകുട്ടിയുടെ വീട്ടുകാർ എതിർത്തിരുന്നതായി അറിയുന്നു.പെൺകുട്ടിയുടെ പിതാവ് ഡിഎംകെയുടെ പ്രാദേശിക നേതാവാണ്. അടുത്തിടെ പെൺകുട്ടിയുടെ വിവാഹം നിശ്ചയിച്ചിരുന്നെങ്കിലും, ധനുഷ് യുവാവിന്റെ കുടുംബവുമായി സംസാരിച്ചതോടെ വിവാഹം മുടങ്ങി. ഇതിനെത്തുടർന്ന് പെൺകുട്ടിയെ വീടിന് പുറത്തിറങ്ങാൻ പോലും അനുവദിച്ചിരുന്നില്ല. അതേസമയം, ഈ സംഭവം ദുരഭിമാനക്കൊലയാണെന്നാണ് ദളിത് പ്രവർത്തകർ ആരോപിക്കുന്നത്. കൂടാതെ, പൊലിസിനെതിരെയും വിമർശനങ്ങൾ ഉയരുന്നുണ്ട്. സംഭവത്തിൽ ആദ്യം കേസ് എടുക്കാൻ പൊലിസ് തയാറായില്ലെന്നാണ് പൊലിസിനെതിരായ ആരോപണം.

A Dalit youth was found hanging on the upper floor of his girlfriend’s house in Kanyakumari, Tamil Nadu. The incident has sparked outrage, with the victim’s family alleging it to be a case of honour killing. Authorities are investigating the circumstances surrounding the suspicious death.