യുഎഇയിൽ മയക്കുമരുന്ന് ഗുളികകൾ വിതരണം ചെയ്യാനുള്ള ശ്രമം അധികൃതർ പരാജയപ്പെടുത്തി. സംശയത്തെ തുടർന്ന് രണ്ട് അറബ് വംശജരുടെ പ്രവർത്തനങ്ങൾ നിരീക്ഷിച്ചതിനെ തുടർന്നാണ് നടപടി.

അന്വേഷണത്തിൽ, ഇവർക്ക് അന്താരാഷ്ട്ര മയക്കുമരുന്ന് ശൃംഖലയുമായി ബന്ധമുള്ളതായി സ്ഥിരീകരിച്ചു. പ്രതികൾ പറഞ്ഞതനുസരിച്ച്, ഹാംബർഗിൽ നിന്നാണ് രാജ്യത്തേക്ക് മയക്കുമരുന്ന് എത്തിച്ചത്. പ്രതികളിൽ ഒരാൾ ഇതിനായി വിസിറ്റ് വിസയിൽ രാജ്യത്തെത്തിയതാണ്.

ഈ ശൃംഖലയുടെ മുഖ്യ സൂത്രധാരൻ വിദേശത്താണെന്നും, അയാളാണ് ഇത്തരം പ്രവർത്തനങ്ങൾക്ക് ധനസഹായവും നിയന്ത്രണവും നൽകുന്നതെന്നും പ്രതികൾ വെളിപ്പെടുത്തി.

സുരക്ഷാ വിഭാഗം രണ്ടിടങ്ങളിലായി നടത്തിയ റെയ്ഡിൽ ഒരിടത്ത് മയക്കുമരുന്ന് ഗുളികകൾ സംഭരിച്ചിരുന്നു. പ്രതികൾ വിതരണത്തിനായി തയ്യാറാക്കിയ ​ഗുളികകളായിരുന്നു ഇതെന്നാണ് അധികൃതരുടെ നി​ഗമനം. 

രഹസ്യ വിവരത്തിന്റെ അടിസ്ഥാനത്തിൽ നടത്തിയ മറ്റൊരു പരിശോധനയിൽ വലിയ തോതിലുള്ള മയക്കുമരുന്ന് കണ്ടെത്തി. കൂടാതെ, ഒരു മെക്കാനിക്കൽ നിർമ്മാണ ഉപകരണവും (എക്സ്കവേറ്റർ) പിടിച്ചെടുത്തു.

വിദേശത്തുള്ള പ്രതികളെ പിടികൂടുന്നതിനായി അന്താരാഷ്ട്ര സഹകരണത്തോടെ അന്വേഷണം തുടരും. മയക്കുമരുന്ന് തടയുന്നതിനുള്ള അന്താരാഷ്ട്ര സഹകരണത്തിന്റെ പ്രാധാന്യം ആഭ്യന്തര മന്ത്രാലയത്തിലെ ഒരു ഉദ്യോഗസ്ഥൻ ഊന്നിപ്പറഞ്ഞു, അതിരുകൾ കടന്നുള്ള ക്രിമിനൽ ശൃംഖലകളുടെ പ്രവർത്തനങ്ങൾ തടയുന്നതിന് അന്താരാഷ്ട്ര സഹകരണം ആവശ്യമാണെന്നും അദ്ദേഹം കൂട്ടിച്ചേർത്തു.

UAE authorities successfully thwarted an attempt to trade narcotic pills within the country. The operation followed close surveillance of two Arab nationals suspected of illegal activity. The swift intervention highlights the UAE's ongoing efforts to combat drug-related crimes and ensure public safety.