തെഹ്‌റാന്‍: ഇസ്‌റാഈലില്‍ ചെയ്യുന്ന കുറ്റകൃത്യങ്ങളില്‍ പങ്കാളിയാണ് അമേരിക്കയെന്നും ട്രംപ് ഭരണകൂടവുമായി ഒരു ചര്‍ച്ചക്കുമില്ലെന്നും ഇറാന്‍. ഇസ്‌റാഈല്‍ ആക്രമണം നിര്‍ത്തുന്നതു വരെ യുഎസുമായുള്ള ചര്‍ച്ചകള്‍ക്ക് ഇടമില്ലെന്ന് ഇറാന്‍ വിദേശ കാര്യ മന്ത്രി അബ്ബാസ് അരാഗ്ചി പറഞ്ഞു.

ALSO READ: ആകാശത്ത് നൃത്തംവച്ചും വളഞ്ഞുപുളഞ്ഞും ലക്ഷ്യസ്ഥാനത്തേക്ക് അഗ്‌നിചുഴറ്റി ഇറാന്റെ സിജ്ജീല്‍ മിസൈല്‍; ദൂരപരിധി 4000 കി.മി വരെ; അയണ്‍ ഡോം കാഴ്ചക്കാരായി; അമ്പരപ്പ് മാറാതെ ഇസ്‌റാഈല്‍

'ചര്‍ച്ചകള്‍ക്കായി അമേരിക്ക ഞങ്ങളെ സമീപിച്ചിട്ടുണ്ട്. എന്നാല്‍ ചര്‍ച്ചകള്‍ക്കില്ല എന്നാണ് ഞങ്ങളുടെ ഉത്തരം' അബ്ബാസ് അരാഗ്ചിയെ ഉദ്ദരിച്ച് പ്രമുഖ ഇറാന്‍ മാധ്യമമായ ഇറാന്‍ ഇന്റര്‍നാഷണല്‍ പറഞ്ഞു.

'ഇസ്‌റാഈല്‍ ആക്രമണങ്ങളില്‍ അമേരിക്കക്കും പങ്കുണ്ടെന്ന് ട്രംപിന്റെ ഭാഷയില്‍ നിന്നു തന്നെ വ്യക്തമായ കാര്യമാണ്, ഇക്കാര്യത്തില്‍ ഇനി മറ്റു തെളിവുകളുടെ ആവശ്യമില്ല,' അദ്ദേഹം വ്യക്തമാക്കി.

യുദ്ധം അവസാനിപ്പിക്കണമെന്ന ആഹ്വാനങ്ങള്‍ ശക്തമായി ഉയര്‍ന്നുവരുന്നതായും ഇറാന്‍ വിദേശകാര്യ മന്ത്രി അരാഗ്ചി വ്യക്തമാക്കി. 'നിയമാനുസൃതമായ സ്വയം പ്രതിരോധത്തിലാണ് ഞങ്ങള്‍. ഈ പ്രതിരോധം തുടരും,' അദ്ദേഹം കൂട്ടിച്ചേര്‍ത്തു.

ALSO READ: ഇറാന്‍-ഇസ്‌റാഈല്‍ സംഘര്‍ഷം: അമേരിക്ക ഇടപെടണോ എന്ന വിഷയത്തില്‍ തീരുമാനം രണ്ടാഴ്ചക്കകം; വൈറ്റ് ഹൗസ്

അതിനിടെ, ചര്‍ച്ചകള്‍ക്കായി അമേരിക്ക നിരന്തരം ഗൗരവമേറിയ സന്ദേശങ്ങള്‍ അയച്ചതായി ഇറാന്‍ വിദേശകാര്യ മന്ത്രി സ്റ്റേറ്റ് ടിവി അഭിമുഖത്തില്‍ പറഞ്ഞതായി വാര്‍ത്താ ഏജന്‍സിയായ എ.എഫ്.പി റിപ്പോര്‍ട്ട് ചെയ്തു. എന്നാല്‍, ആക്രമണം നിലനില്‍ക്കുന്നിടത്തോളം നയതന്ത്ര ചര്‍ച്ചകള്‍ക്കോ സംഭാഷണത്തിനോ സാധ്യതയില്ലെന്ന് യൂറോപ്യന്‍ രാജ്യങ്ങളുമായി ചര്‍ച്ചയ്ക്കായി ജനീവയിലേക്ക് പോകാനിരുന്ന ഇറാന്‍ വിദേശ കാര്യമന്ത്രി വ്യക്തമാക്കി.

Iran blames the United States for supporting Israel's actions in Gaza, stating Washington is complicit in war crimes. Tehran affirms there are no talks underway with the American administration.