തെഹ്‌റാന്‍: ഇസ്‌റാഈല്‍ ഇറാന്‍ സംഘര്‍ഷം രൂക്ഷമാകുന്നതിനിടെ ഇറാനില്‍ കുടുങ്ങിയ ഇന്ത്യന്‍ വിദ്യാര്‍ത്ഥികളെ തിരിച്ചെത്തിക്കും. ഇന്ത്യയ്ക്ക് മാത്രമായി വ്യോമപാത തുറന്നുനല്‍കാന്‍ ഇന്ത്യ തയ്യാറായതോടെയാണ് വിദ്യാര്‍ത്ഥികളുടെ തിരിച്ചുവരവ് സാധ്യമായത്. ഇറാന്‍ വ്യോമാതിര്‍ത്തി തുറന്നുനല്‍കുന്നതോടെ ആയിരത്തോളം വിദ്യാര്‍ത്ഥികള്‍ക്ക് ഇന്ന് നാട്ടിലേക്ക് തിരിക്കാനാകുമെന്നാണ് പ്രതീക്ഷിക്കുന്നത്.

ALSO READ: ആകാശത്ത് നൃത്തംവച്ചും വളഞ്ഞുപുളഞ്ഞും ലക്ഷ്യസ്ഥാനത്തേക്ക് അഗ്‌നിചുഴറ്റി ഇറാന്റെ സിജ്ജീല്‍ മിസൈല്‍; ദൂരപരിധി 4000 കി.മി വരെ; അയണ്‍ ഡോം കാഴ്ചക്കാരായി; അമ്പരപ്പ് മാറാതെ ഇസ്‌റാഈല്‍

ഇറാനിലെ മഷാദ് നഗരത്തില്‍ നിന്ന് മൂന്ന് പ്രത്യേക വിമാനങ്ങളില്‍ വിദ്യാര്‍ത്ഥികള്‍ ഉള്‍പ്പെടെ ഏകദേശം 1,000 ഇന്ത്യന്‍ പൗരന്മാര്‍ സ്വദേശത്തേക്ക് മടങ്ങുമെന്ന് അധികൃതര്‍ അറിയിച്ചു. ആദ്യ വിമാനം വെള്ളിയാഴ്ച രാത്രി ഇന്ത്യയിലെത്തുമെന്നും ശേഷിക്കുന്ന രണ്ട് വിമാനങ്ങള്‍ ശനിയാഴ്ച ഉച്ചയ്ക്ക് ശേഷം എത്തുമെന്നും പ്രതീക്ഷിക്കുന്നു. ആവശ്യമെങ്കില്‍ കൂടുതല്‍ വിമാന സര്‍വീസുകള്‍ ഏര്‍പ്പെടുത്തുമെന്നും ഇറാനിലുള്ള എല്ലാ ഇന്ത്യക്കാരും സുരക്ഷിതരാണെന്നും ഇറാന്‍ അധികൃതര്‍ വ്യക്തമാക്കി.

ഓപ്പറേഷന്‍ സിന്ധു: 110 വിദ്യാര്‍ത്ഥികള്‍ നേരത്തെ മടങ്ങി

ഈ ആഴ്ച ആദ്യം ഓപ്പറേഷന്‍ സിന്ധുവിന്റെ ഭാഗമായി 110 വിദ്യാര്‍ത്ഥികളെ ഇന്ത്യയില്‍ നിന്നും തിരിച്ചെത്തിയിരുന്നു. ഇവരില്‍ ഭൂരിഭാഗവും ജമ്മു കശ്മീരില്‍ നിന്നുള്ളവരായിരുന്നു. വിദ്യാര്‍ത്ഥികളെ ആദ്യം അര്‍മേനിയയിലേക്കും പിന്നീട് ദോഹ വഴി ഡല്‍ഹിയിലേക്കും എത്തിക്കുകയായിരുന്നു. വ്യാഴാഴ്ച പുലര്‍ച്ചെയാണ് സംഘം ഡല്‍ഹിയില്‍ എത്തിയത്.

ALSO READ: ഇറാന്‍-ഇസ്‌റാഈല്‍ സംഘര്‍ഷം: അമേരിക്ക ഇടപെടണോ എന്ന വിഷയത്തില്‍ തീരുമാനം രണ്ടാഴ്ചക്കകം; വൈറ്റ് ഹൗസ്

ഇസ്‌റാഈലില്‍ നിന്ന് മടങ്ങാന്‍ ആഗ്രഹിക്കുന്ന ഇന്ത്യന്‍ പൗരന്മാരെ ഒഴിപ്പിക്കാനുള്ള നടപടികള്‍ വ്യാഴാഴ്ച മുതല്‍ ആരംഭിക്കുമെന്ന് ഇന്ത്യ നേരത്തേ അറിയിച്ചിരുന്നു. വ്യോമാതിര്‍ത്തി നിയന്ത്രണങ്ങള്‍ കാരണം, കര അതിര്‍ത്തികള്‍ വഴിയുള്ള യാത്രയാണ് ക്രമീകരിക്കുന്നത്. 'ഇറാനും ഇസ്‌റാഈലും തമ്മിലുള്ള സമീപകാല സംഘര്‍ഷങ്ങള്‍ കണക്കിലെടുത്ത്, ഇസ്‌റാഈലില്‍ നിന്ന് മടങ്ങാന്‍ ആഗ്രഹിക്കുന്ന ഇന്ത്യന്‍ പൗരന്മാരെ ഒഴിപ്പിക്കാന്‍ തീരുമാനിച്ചു,' വിദേശകാര്യ മന്ത്രാലയം പ്രസ്താവനയില്‍ അറിയിച്ചു. കര അതിര്‍ത്തികള്‍ വഴിയും തുടര്‍ന്ന് വ്യോമമാര്‍ഗവും അവരുടെ യാത്ര സുഗമമാക്കുമെന്നും മന്ത്രാലയം വ്യക്തമാക്കി.

In a major relief for Indian nationals, Iran has opened its airspace to facilitate the return of 1,000 stranded Indian students. Three special flights have been arranged for their evacuation.