ഇറാനും ഇസ്റാഈലും എട്ടാം ദിവസവും മിസൈൽ ആക്രമണങ്ങൾ തുടർന്നു കൊണ്ടിരിക്കുകയാണ്. ടെഹ്റാനിൽ ലക്ഷക്കണക്കിന് ആളുകൾ ഇസ്റാഈലിനെതിരെ പ്രതിഷേധവുമായി തെരുവിലിറങ്ങി. ഇറാന്റെ ഏറ്റവും പുതിയ മിസൈൽ ആക്രമണത്തിൽ ഇസ്റാഈലിൽ 17 പേർക്ക് പരിക്കേറ്റു, ഇതിൽ മൂന്ന് പേർ ഗുരുതരാവസ്ഥയിലാണ്. നിരവധി സ്ഥലങ്ങളിൽ സ്ഫോടനങ്ങൾ റിപ്പോർട്ട് ചെയ്തിട്ടുണ്ട്.

അതിനിടെ ഇസ്‌റാഈലില്‍ ചെയ്യുന്ന കുറ്റകൃത്യങ്ങളില്‍ പങ്കാളിയാണ് അമേരിക്കയെന്നും ട്രംപ് ഭരണകൂടവുമായി ഒരു ചര്‍ച്ചക്കുമില്ലെന്നും ഇറാന്‍. ഇസ്‌റാഈല്‍ ആക്രമണം നിര്‍ത്തുന്നതു വരെ യുഎസുമായുള്ള ചര്‍ച്ചകള്‍ക്ക് ഇടമില്ലെന്ന് ഇറാന്‍ വിദേശ കാര്യ മന്ത്രി അബ്ബാസ് അരാഗ്ചി പറഞ്ഞു.

'ചര്‍ച്ചകള്‍ക്കായി അമേരിക്ക ഞങ്ങളെ സമീപിച്ചിട്ടുണ്ട്. എന്നാല്‍ ചര്‍ച്ചകള്‍ക്കില്ല എന്നാണ് ഞങ്ങളുടെ ഉത്തരം' അബ്ബാസ് അരാഗ്ചിയെ ഉദ്ദരിച്ച് പ്രമുഖ ഇറാന്‍ മാധ്യമമായ ഇറാന്‍ ഇന്റര്‍നാഷണല്‍ പറഞ്ഞു.

'ഇസ്‌റാഈല്‍ ആക്രമണങ്ങളില്‍ അമേരിക്കക്കും പങ്കുണ്ടെന്ന് ട്രംപിന്റെ ഭാഷയില്‍ നിന്നു തന്നെ വ്യക്തമായ കാര്യമാണ്, ഇക്കാര്യത്തില്‍ ഇനി മറ്റു തെളിവുകളുടെ ആവശ്യമില്ല,' അദ്ദേഹം വ്യക്തമാക്കി.

യുദ്ധം അവസാനിപ്പിക്കണമെന്ന ആഹ്വാനങ്ങള്‍ ശക്തമായി ഉയര്‍ന്നുവരുന്നതായും ഇറാന്‍ വിദേശകാര്യ മന്ത്രി അരാഗ്ചി വ്യക്തമാക്കി. 'നിയമാനുസൃതമായ സ്വയം പ്രതിരോധത്തിലാണ് ഞങ്ങള്‍. ഈ പ്രതിരോധം തുടരും,' അദ്ദേഹം കൂട്ടിച്ചേര്‍ത്തു.

അതിനിടെ, ചര്‍ച്ചകള്‍ക്കായി അമേരിക്ക നിരന്തരം ഗൗരവമേറിയ സന്ദേശങ്ങള്‍ അയച്ചതായി ഇറാന്‍ വിദേശകാര്യ മന്ത്രി സ്റ്റേറ്റ് ടിവി അഭിമുഖത്തില്‍ പറഞ്ഞതായി വാര്‍ത്താ ഏജന്‍സിയായ എ.എഫ്.പി റിപ്പോര്‍ട്ട് ചെയ്തു. എന്നാല്‍, ആക്രമണം നിലനില്‍ക്കുന്നിടത്തോളം നയതന്ത്ര ചര്‍ച്ചകള്‍ക്കോ സംഭാഷണത്തിനോ സാധ്യതയില്ലെന്ന് യൂറോപ്യന്‍ രാജ്യങ്ങളുമായി ചര്‍ച്ചയ്ക്കായി ജനീവയിലേക്ക് പോകാനിരുന്ന ഇറാന്‍ വിദേശ കാര്യമന്ത്രി വ്യക്തമാക്കി.

Iran and Israel exchanged missile attacks for the eighth consecutive day, with Iran launching ballistic missiles targeting Israeli cities, including Tel Aviv and Haifa. At least 17 people were injured, three seriously, in the latest strikes. Hundreds of thousands protested against Israel in Tehran. The conflict, sparked by Israel’s attacks on Iran’s nuclear sites, shows no signs of de-escalation.