ലീഡ്സ്: ഇംഗ്ലണ്ടിനെതിരെയുള്ള അഞ്ചു ടെസ്റ്റ് മത്സരങ്ങളുടെ പരമ്പരയിലെ ആദ്യ മത്സരത്തിൽ നേടി തിളങ്ങി ശുഭ്മൻ ഗിൽ. ക്യാപ്റ്റൻ ആയുള്ള ആദ്യത്തെ ടെസ്റ്റ് മത്സരത്തിൽ തന്നെ ഗിൽ സെഞ്ച്വറി നേടിയിരിക്കുകയാണ്. ഇതോടെ ക്യാപ്റ്റനായി ഇറങ്ങിയ ആദ്യ ഇന്നിങ്സിൽ തന്നെ സെഞ്ച്വറി നേടുന്ന നാലാമത്തെ താരം ആവാനും ഗില്ലിന് സാധിച്ചു. വിജയ് ഹസാരെ, സുനിൽ ഗവാസ്കർ, വിരാട് കോഹ്‌ലി എന്നിവർക്ക് ശേഷമാണ് ഗിൽ ഈ നേട്ടത്തിൽ എത്തുന്നത്.  

മത്സരത്തിൽ മറ്റൊരു തകർപ്പൻ റെക്കോർഡും ഗിൽ സ്വന്തമാക്കിയിരുന്നു. മത്സരത്തിൽ അർദ്ധ സെഞ്ച്വറി നേടിയതോടെ ഇംഗ്ലണ്ടിൽ ടെസ്റ്റ് ക്രിക്കറ്റിൽ അർദ്ധ സെഞ്ച്വറി നേടുന്ന ഏറ്റവും പ്രായം കുറഞ്ഞ ഇന്ത്യൻ ക്യാപ്റ്റനായി മാറാനും ഗില്ലിന് സാധിച്ചു. ഇരുപത്തി അഞ്ചാം വയസിലാണ് ഗിൽ ഈ റെക്കോർഡ് സ്വന്തമാക്കിയിരിക്കുന്നത്. മൻസൂർ അലി ഖാൻ പട്ടൗഡിയുടെ പേരിലായിരുന്നു ഇതിനു മുമ്പ് ഈ റെക്കോർഡ് ഉണ്ടായിരുന്നത്. 1967ൽ ഇതേ ഗ്രൗണ്ടിൽ ക്യാപ്റ്റനായി ഇരുപത്തി ആറാം വയസിൽ ആയിരുന്നു മൻസൂർ അലി ഖാൻ അർദ്ധ സെഞ്ച്വറി നേടിയത്. 

ഇന്ത്യൻ ക്യാപ്റ്റന് പുറമേ യശ്വസി ജെയ്‌സ്വാളും സെഞ്ച്വറി നേടി. 158 പന്തിൽ 101 റൺസ് ആണ് ജെയ്‌സ്വാൾ നേടിയത്. 16 ഫോറുകളും ഒരു സിക്സും അടങ്ങുന്നതായിരുന്നു ഗില്ലിന്റെ ഇന്നിങ്സ്.

 ഇംഗ്ലണ്ട് പ്ലെയിങ് ഇലവൻ

സാക്ക് ക്രാളി, ബെൻ ഡക്കറ്റ്, ഒല്ലി പോപ്പ്, ജോ റൂട്ട്, ഹാരി ബ്രൂക്ക്, ബെൻ സ്റ്റോക്സ് (ക്യാപ്റ്റൻ), ജാമി സ്മിത്ത് (വിക്കറ്റ് കീപ്പർ), ക്രിസ് വോക്സ്, ബ്രൈഡൺ കാർസെ, ജോഷ് ടംഗ്, ഷോയിബ് ബഷീർ.

ഇന്ത്യ പ്ലെയിങ് ഇലവൻ

യശസ്വി ജയ്‌സ്വാൾ, കെഎൽ രാഹുൽ, സായ് സുദർശൻ, ശുഭ്മാൻ ഗിൽ(ക്യാപ്റ്റൻ), ഋഷഭ് പന്ത്(വിക്കറ്റ് കീപ്പർ), കരുൺ നായർ, രവീന്ദ്ര ജഡേജ, ശാർദുൽ താക്കൂർ, ജസ്പ്രീത് ബുംറ, മുഹമ്മദ് സിറാജ്, പ്രസീദ് കൃഷ്ണ.

Shubhman Gill Create Lots of Record in Test Cricket in His First Match As a Captain