തൃശൂര്‍: വാല്‍പ്പാറയില്‍ പുലി പിടിച്ച നാല് വയസുകാരിക്കായി തിരച്ചില്‍ ഇന്നും തുടരും. കുട്ടിയുടേതെന്ന് സംശയിക്കുന്ന വസ്ത്ര ഭാഗങ്ങള്‍ കണ്ടെത്തിയതായി റിപ്പോര്‍ട്ടുണ്ട്. ഇന്നലെ രാത്രി വൈകിയും തിരച്ചില്‍ തുടര്‍ന്നെങ്കിലും കുട്ടിയെ കണ്ടെത്താനായില്ല. ഫോറസ്റ്റ് അധികൃതരും, നാട്ടുകാരും ഒരുമിച്ച് തിരച്ചിലില്‍ ഏര്‍പ്പെട്ടിരിക്കുകയാണ്. 

വെള്ളിയാഴ്ച്ച വൈകീട്ട് ആറോടെയാണ് തമിഴ്‌നാട് വാല്‍പ്പാറയില്‍ ജാര്‍ഖണ്ഡ് ദമ്പതികളുടെ മകള്‍ റോഷ്‌നിയെ പുലി ആക്രമിച്ചത്. തേയിലത്തോട്ടത്തിലേക്ക് കുട്ടിയെ പുലി കൊണ്ടുപോയതായി അമ്മ പൊലിസില്‍ പരാതി നല്‍കിയിരുന്നു. തുടര്‍ന്ന് നടത്തിയ അന്വേഷണത്തില്‍ കുട്ടിയെ കണ്ടെത്താനായിരുന്നില്ല. 

വീടിന് മുറ്റത്ത് കളിച്ച് കൊണ്ടിരിക്കെയാണ് കുട്ടിയെ പുലി പിടിച്ചെന്നാണ് അമ്മയുടെ മൊഴി. കുട്ടിക്കായി തമിഴ്‌നാട് പൊലിസും, വനം വകുപ്പും, നാട്ടുകാരും ചേര്‍ന്നാണ് തിരച്ചില്‍ നടത്തുന്നത്.

four-year-old girl who was reportedly taken by a tiger have resumed today