തൃശൂര്‍: വാല്‍പ്പാറയില്‍ പുലിപിടിച്ച നാലു വയസുകാരിയുടെ മൃതദേഹം കണ്ടെത്തി. സമീപത്തെ തേയിലത്തോട്ടത്തില്‍ നിന്നാണ് കുഞ്ഞിന്റെ മൃതദേഹം കണ്ടെത്തിയത്. വീടിന് അടുത്ത് നിന്ന് 400 മീറ്റര്‍ മാറിയാണ് മൃതദേഹം കണ്ടെത്തിയത്. ഇന്നലെ വൈകീട്ടോടെയാണ് വീടിന് മുന്നില്‍ കളിച്ച് കൊണ്ടിരിക്കെ കുട്ടിയെ പുലി പിടിച്ച് കൊണ്ടുപോയത്.

വെള്ളിയാഴ്ച്ച വൈകീട്ട് ആറോടെയാണ് തമിഴ്നാട് വാല്‍പ്പാറയില്‍ ജാര്‍ഖണ്ഡ് ദമ്പതികളുടെ മകള്‍ റോഷ്നിയെ പുലി ആക്രമിച്ചത്. തേയിലത്തോട്ടത്തിലേക്ക് കുട്ടിയെ പുലി കൊണ്ടുപോയതായി അമ്മ പൊലിസില്‍ പരാതി നല്‍കിയിരുന്നു. പിന്നാലെ രാത്രി വൈകിയും തിരച്ചില്‍ നടത്തിയിരുന്നെങ്കിലും കുട്ടിയെ കണ്ടെത്താനായിരുന്നില്ല. ഇന്ന് രാവിലെ വീണ്ടും തിരച്ചില്‍ പുനരാരംഭിച്ചു. 

ALSO READ: 'ഒടുവിൽ ദേശീയ പതാക പിടിച്ച് ബിജെപി'; ഭാരതാംബയുടെ ചിത്രത്തിൽ നിന്ന് ആർഎസ്എസ് കൊടിയും ഭൂപടവും മാറ്റി

രാവിലെയോടെ കുട്ടിയുടേതെന്ന് സംശയിക്കുന്ന വസ്ത്ര ഭാഗങ്ങള്‍ കണ്ടെത്തിയിരുന്നു. തമിഴ്‌നാട് പൊലിസും, വനം വകുപ്പും, നാട്ടുകാരും സംയുക്തമായി നടത്തിയ തിരച്ചിലിലാണ് മൃതദേഹം കണ്ടെത്തിയത്. ഡോഗ് സ്‌ക്വാഡിനെ എത്തിച്ചും, ഡ്രോണ്‍ ഉപയോഗിച്ചും പരിശോധന നടത്തിയിരുന്നു.

അതേസമയം കഴിഞ്ഞ ആറ് മാസത്തിനിടെ രണ്ടാമത്തെ വന്യജീവി ആക്രമണമാണ് വാല്‍പ്പാറയില്‍ സംഭവിക്കുന്നത്. ഇതിനെതിരെ ശക്തമായ പ്രതിഷേധമാണ് നാട്ടുകാരില്‍ നിന്ന് ഉയരുന്നത്. 

body of a four-year-old girl who was attacked by a tiger in Valparai has been found