കോഴിക്കോട്: എസ്.കെ.എസ്.എസ്.എഫ് ജില്ലാ കമ്മിറ്റി അബൂദബി കമ്മിറ്റിയുടെ സഹകരണത്തോടെ അധാര്‍മിക പ്രവണതകള്‍ക്കും ലഹരിക്കുമെതിരേ മഹല്ല് കേന്ദ്രീകരിച്ച് ബോധവല്‍ക്കരണം നടത്തുന്നതിന് ആവിഷ്‌കരിച്ച 'നാട്ടു നന്മ' ത്രൈമാസ കാംപയിനിന്റെ ഉദ്ഘാടനം ഒന്‍പതിന് വൈകിട്ടു നാലിനു നടക്കും.
ഈങ്ങാപുഴ മേഖലയിലെ മലപുറം കൊട്ടാരക്കോത്ത് ഹിദായത്തുസ്വിബിയന്‍ മദ്‌റസാ ഓഡിറ്റോറിയത്തില്‍ നടക്കുന്ന പരിപാടി സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ അംഗം വാവാട് കുഞ്ഞിക്കോയ മുസ്‌ലിയാര്‍ ഉദ്ഘാടനം ചെയ്യും. ആസിഫ് ദാരിമി പുളിക്കല്‍ ക്ലാസിന് നേതൃത്വം നല്‍കും.
നാസര്‍ ഫൈസി കൂടത്തായി, സലാം ഫൈസി മുക്കം, കെ.എന്‍.എസ് മൗലവി, കുഞ്ഞാലന്‍കുട്ടി ഫൈസി, മുജീബ് ഫൈസി പൂലോട്, അബൂബക്കര്‍ സിദ്ദീഖ് അബൂദബി സംബന്ധിക്കും.