ടെഹ്റാന്‍: യു.എസ് ആക്രമണത്തിന് പിന്നാലെ ഇസ്‌റാഈലിന് കനത്ത തിരിച്ചടിയുമായി ഇറാന്‍. ഇസ്‌റാഈലില്‍ മഇറാന്റെ മിസൈല്‍ വര്‍ഷമാണ് കാണാന്‍ കഴിയുന്നത്. ഇസ്‌റാഈലിലെ പ്രധാം നഗരങ്ങള്‍ ലക്ഷ്യമിട്ട് ബാലിസ്റ്റിക് മിസൈലുകള്‍ അയച്ചതായി റിപ്പോര്‍ട്ടുകള്‍ പറയുന്നു. പത്തിടങ്ങളില്‍ നേരിട്ട് പതിച്ചു. ഇസ്‌റാഈലില്‍ വന്‍ നാശനഷ്ടമുണ്ടായതായാണ് റിപ്പോര്‍ട്ട്. ഇസ്‌റാഈലിലുടനീളം സൈറണ്‍ മുഴങ്ങുകയാണ്.  

ഹൈഫയിലും ജറൂസലേമിലും സ്‌ഫോടന ശബ്ദവും പുകയും ഉയരുന്നതിന്റെ ദൃശ്യങ്ങളും പുറത്തു വരുന്നുണ്ട്.

BREAKING: An Iranian missile makes a direct hit in Haifa, northern occupied Palestine. pic.twitter.com/Y5UCFVYmuj

— Quds News Network (@QudsNen) June 22, 2025

ഇന്ന് പുലര്‍ച്ചെയാണ് ഇറാനിലെ മൂന്ന് ആണവകേന്ദ്രങ്ങളിലായി അമേരിക്കന്‍ സേന നേരിട്ട് ആക്രമണം നടത്തിയത്. ഫെര്‍ദോ, നതാന്‍സ്, ഇസ്ഹാന്‍ കേന്ദ്രങ്ങള്‍ ആക്രമിച്ചതായി പ്രസിഡന്റ് ഡൊണാള്‍ഡ് ട്രംപ് അറിയിച്ചു. ഉഗ്രപ്രഹര ശേഷിയുള്ള യുഎസ് ബി2 ബോംബര്‍ വിമാനങ്ങള്‍ ഉപയോഗിച്ചാണ് ആക്രമണം നടത്തിയെന്നാണ് റിപ്പോര്‍ട്ടുകള്‍.

ആക്രമണം നടത്തിയതായി സ്ഥിരീകരിച്ച ട്രംപ് വിമാനങ്ങള്‍ സുരക്ഷിതമായി മടങ്ങിയെന്നും ടിറ്ററില്‍ കുറിച്ചു. ഇനി സമാധാനത്തിന്റെ യുഗമെന്നും ട്രംപ് പറഞ്ഞു. ഇരു രാജ്യങ്ങളും പരസ്പരം ആക്രമണം തുടങ്ങി പത്താം ദിവസമാണ് അമേരിക്ക നേരിട്ട് ഇസ്‌റാഈലിനെ സഹായിച്ച് രംഗത്തെത്തുന്നത്.

ALSO READ: ഇറാനിലെ അമേരിക്കന്‍ ആക്രമണം; അതീവ ജാഗ്രതയില്‍ ഇസ്രാഈല്‍; വ്യോമപാത അടച്ചു

യുദ്ധത്തില്‍ അമേരിക്ക കരസേനയെ വിന്യസിക്കില്ലെന്നും ഇറാന്റെ ആണവ കേന്ദ്രങ്ങളെ നിര്‍വീര്യമാക്കാന്‍ ഇസ്‌റാഈലിന് ഒറ്റക്ക് സാധിക്കില്ലെന്നും നിലവില്‍ ആക്രമണങ്ങള്‍ നിര്‍ത്തിവെക്കാന്‍ പറയാനാകില്ലെന്നും ട്രംപ് കഴിഞ്ഞ ദിവസം വിശദീകരിച്ചിരുന്നു.

ഇറാന്റെ തിരിച്ചടിയില്‍ കനത്ത പ്രഹരം ഏറ്റുവാങ്ങേണ്ടി വന്ന ഇസ്‌റാഈല്‍ പതിവ് പോലെ യുഎസിനോട് സഹായം തേടിയിരുന്നു. മേഖലയില്‍ ഒറ്റക്ക് യുദ്ധം തുടരാന്‍ സാധിക്കാത്ത സാഹചര്യത്തില്‍, ഇറാന്റെ ഫെര്‍ദോ ആണവ കേന്ദ്രം നശിപ്പിക്കാന്‍ യുഎസ് സഹായിക്കണമെന്ന് ബെഞ്ചമിന്‍ നെതന്യാഹു ആവശ്യപ്പെട്ടിരുന്നു.

ALSO READ: ട്രംപിൻ്റെത് ഇടപെട്ടു എന്ന് വരുത്തി തലയൂരാനുള്ള ശ്രമമെന്നു സൂചന: ഇനി ഇറാന്റെ പ്രതികരണത്തിനു അനുസരിച്ചിരിക്കും പശ്ചിമേഷ്യയുടെ ഭാവി, യുദ്ധം വ്യാപിച്ചാൽ ഗൾഫ് പ്രവാസികളെയും ബാധിക്കും

അതിനിടെ അമേരിക്കയുടെ ഇറാന്‍ ആക്രമണത്തിന് പിന്നാലെ ഇസ്‌റാഈല്‍ തങ്ങളുടെ വ്യോമപാത അടച്ചിരുന്നു. മുന്‍കരുതല്‍ നടപടികളുടെ ഭാഗമായാണ് വ്യോമാതിര്‍ത്തികള്‍ അടച്ചതെന്നും എയര്‍പോര്‍ട്ട്  അതോറിറ്റി പ്രഖ്യാപിച്ചു. വ്യോമാതിര്‍ത്തികള്‍ അടച്ചതിനാല്‍ ഈജിപ്തിലേക്കും, ജോര്‍ദ്ദാനിലേക്കും ഉള്ള കരമാര്‍ഗങ്ങള്‍ തുറന്നതായി തുറമുഖ അതോറിറ്റി അറിയിച്ചു.

Following a US attack, Iran launches a powerful missile strike on Israel, targeting key cities including Haifa and Jerusalem. Explosions and smoke seen as air raid sirens wail across the country.