ന്യൂഡൽഹി: ഇറാനും ഇസ്റാഈലും തമ്മിലുള്ള സംഘർഷം രൂക്ഷമായ സാഹചര്യത്തിൽ, ഇറാൻ പ്രസിഡന്റ് മസൂദ് പെസഷ്കിയാനുമായി പ്രധാനമന്ത്രി നരേന്ദ്ര മോദി ഫോൺ സംഭാഷണം നടത്തി. മിഡിൽ ഈസ്റ്റിലെ നിലവിലെ സ്ഥിതിഗതികളിൽ ആശങ്ക പ്രകടിപ്പിച്ച മോദി, ചർച്ചകളിലൂടെയും നയതന്ത്രപരമായ ഇടപെടലുകളിലൂടെയും എത്രയും വേഗം സമാധാനം പുനഃസ്ഥാപിക്കണമെന്ന് ആവശ്യപ്പെട്ടു.

45 മിനിറ്റ് നീണ്ട സംഭാഷണത്തിൽ, മേഖലയിൽ സാധാരണ നില പുനഃസ്ഥാപിക്കേണ്ടതിന്റെ ആവശ്യകത മോദി ഊന്നിപ്പറഞ്ഞതായി എക്സിൽ കുറിച്ചു. ഇറാൻ പ്രസിഡന്റാണ് മോദിയെ വിളിച്ചതെന്ന് വാർത്താ ഏജൻസികൾ റിപ്പോർട്ട് ചെയ്തു. ഇസ്റാഈലിനും ഇറാനിനുമിടയിലെ സംഘർഷത്തിൽ അമേരിക്കയും ഉൾപ്പെട്ടിരിക്കുന്ന സാഹചര്യത്തിലാണ് ഈ ചർച്ച.

മിഡിൽ ഈസ്റ്റിനെ അസ്ഥിരപ്പെടുത്തുന്ന ഇടപെടലുകൾ ഒഴിവാക്കണമെന്നും സംഘർഷം അവസാനിപ്പിക്കണമെന്നും യുഎഇ വിദേശകാര്യ മന്ത്രാലയം ആവശ്യപ്പെട്ടു. യുഎഇയിലെ ആണവ റെഗുലേഷൻ അതോറിറ്റി, രാജ്യത്ത് ആശങ്കയ്ക്ക് ആവശ്യമില്ലെന്ന് വ്യക്തമാക്കി.

അതിനിടെ, ഇറാൻ വിദേശകാര്യ മന്ത്രി റഷ്യൻ പ്രസിഡന്റ് വ്ലാദിമിർ പുതിനുമായി ചർച്ച നടത്താൻ ജൂൺ 22-ന് മോസ്കോയിലേക്ക് യാത്ര തിരിച്ചു. തിങ്കളാഴ്ച നിലവിലെ സാഹചര്യം പുതിനുമായി സംസാരിക്കുമെന്ന് ഇറാൻ വൃത്തങ്ങൾ അറിയിച്ചു.

Prime Minister Narendra Modi spoke with Iranian President Masoud Pezeshkian on June 22, 2025, expressing deep concern over escalating Iran-Israel tensions following U.S. strikes on Iranian nuclear sites. Modi called for immediate de-escalation through dialogue and diplomacy to restore regional peace and stability, emphasizing India's commitment to a peaceful resolution during their 45-minute conversation.