ഡൽഹി: 19 റൂട്ടുകളിൽ സർവീസസ് നടത്തുന്ന ചെറിയ വിമാനങ്ങളുടെ സർവീസ് താൽക്കാലികമായി വെട്ടിക്കുറച്ച് എയർ ഇന്ത്യ. പ്രതിവാര സർവീസുകൾ നടത്തുന്ന 118 വിമാനങ്ങളാണ് റദ്ദാക്കിയത്. ചെറിയ വിമാനങ്ങളുടെ അഞ്ച് ശതമാനമാണ് വെട്ടി കുറയ്ക്കുക. ജൂലൈ 15 വരെയെങ്കിലും ഈ നിരോധനം തുടരുമെന്നാണ് ലഭിക്കുന്ന വിവരങ്ങൾ.

പുതിയ തീരുമാനപ്രകാരം ബെംഗളൂരു-സിംഗപ്പൂർ, പൂനെ- സിംഗപ്പൂർ, മുംബൈ-ബഗ്ദ്രോഗ ഗ്രൂപ്പുകളിലേക്കുള്ള ഏഴ് പ്രതിവാര ഫ്ലൈറ്റുകളും ഡൽഹി-ബെംഗളൂരു, ഡൽഹി- മുംബൈ തുടങ്ങിയ ആഭ്യന്തര സർവീസുകളും ജൂലൈ 15 വരെ ഉണ്ടാവില്ല. 

യാത്രക്കാർക്ക് അവസാന നിമിഷങ്ങളിൽ ഉണ്ടാകുന്ന അസൗകര്യങ്ങൾ ഒഴിവാക്കുന്നതിനും നെറ്റ് വർക്ക് വൈഡ് പ്രവർത്തന സ്ഥിരത കൈവരിക്കുന്നതിനും വേണ്ടിയാണ് നിലവിൽ ഇത്തരത്തിൽ വെട്ടിക്കുറക്കലുകൾ നടത്തിയത് എന്നാണ് എയർ ഇന്ത്യ അധികൃതർ വ്യക്തമാക്കിയത്. 

അതേസമയം കഴിഞ്ഞ ദിവസങ്ങളിൽ അന്താരാഷ്ട്ര സർവ്വീസ് നടത്തുന്ന വലിയ വിമാനങ്ങളുടെ 15 ശതമാനവും വെട്ടിക്കുറച്ചിരുന്നു.

Not just big planes Air India has also temporarily cut small planes operating on 19 routes