തിരൂര്‍: മലയാളസര്‍വകലാശാല വിദ്യാര്‍ഥി യൂനിയന്റെ ആഭിമുഖ്യത്തില്‍  ചിത്രശാല ഓഡിറ്റോറിയത്തില്‍ ഇന്ന് വൈല്‍ഡ് ലൈഫ് ഫോട്ടോഗ്രാഫി പ്രദര്‍ശനം നടത്തും.
ഉച്ചയ്ക്ക്  രണ്ടിന് വൈസ് ചാന്‍സലര്‍ കെ. ജയകുമാര്‍ ഉദ്ഘാടനം ചെയ്യും. പ്രസിദ്ധ വൈല്‍ഡ് ലൈഫ് ഫോട്ടോഗ്രാഫര്‍മാരായ തോമസ് വിജയന്‍, ഷഫീഖ് ബഷീര്‍ അഹമ്മദ്, എന്നിവരുടെയും സ്ട്രീറ്റ് ഫോട്ടോഗ്രാഫിയിലൂടെ പ്രസിദ്ധനായ എം.എ ഷാനവാസിന്റെയും ഫോട്ടോകളാണ് പ്രദര്‍ശിപ്പിക്കുക.
ബി.ബി.സി, പീപ്പിള്‍ ചോയ്‌സ് അവാര്‍ഡ് അടക്കം നിരവധി പുരസ്‌കാരങ്ങള്‍ ലഭിച്ച തോമസ് വിജയന്‍ കാനഡയില്‍ സ്ഥിരതാമസമാക്കിയ ഫോട്ടോഗ്രാഫറാണ്. വൈല്‍ഡ് ലൈഫ് ഫോട്ടോഗ്രാഫിയില്‍ സംസ്ഥാന അവാര്‍ഡ് അടക്കം ഒട്ടേറെ പുരസ്‌കാരങ്ങള്‍ നേടിയ ഷഫീഖ് പക്ഷി ചിത്രങ്ങളിലൂടെയാണ് ശ്രദ്ധേയനായത്. എം.എ ഷാനവാസ് സ്ട്രീറ്റ് ഫോട്ടോഗ്രാഫിയില്‍, അമേരിക്കല്‍ ഫോട്ടോഗ്രാഫര്‍ ആമി വിതാലെയുടെ ശിഷ്യനാണ്.
വിയറ്റ്‌നാമിലെ അന്തര്‍ദേശീയ ഫോട്ടോഗ്രാഫി ക്യാംപില്‍ പങ്കെടുത്ത അദ്ദേഹത്തിന് വിവിധ അംഗീകാരങ്ങള്‍ ലഭിച്ചിട്ടുണ്ട്.