എടപ്പാള്‍: പോത്തന്നൂരിന് സമീപം ബോംബിന് സമാനമായ വസ്തു കണ്ടെടുത്തത് മേഖലയെ ആശങ്കയിലാക്കി. പോത്തന്നൂര്‍ നരിപ്പറമ്പ് റോഡില്‍ സ്വകാര്യ സ്‌കൂളിന് മുന്‍വശത്ത് നിര്‍മാണത്തിലുള്ള വീടിന് മുന്നില്‍ നിന്നാണ് സംശയകരമായ വസ്തു കണ്ടെണ്ടടുത്തത്. നിര്‍മാണ സാമഗ്രികള്‍ നിറച്ചുവച്ച ചാക്കുകള്‍ക്ക് നടുവിലായാണ് വസ്തു കണ്ടണ്ടത്. നാട്ടുകാര്‍ വിവരമറിയിച്ചതിനെ തുടര്‍ന്ന് പൊന്നാനി പൊലിസ് സ്ഥലത്തെത്തി പരിശോധന നടത്തി. എന്നാല്‍ ആശങ്കക്ക് അടിസ്ഥാനമില്ലെന്നും സ്‌ഫോടക വസ്തു ആവാനുള്ള സാധ്യതയില്ലെന്നും പൊലിസ് അഭിപ്രായപെട്ടു. കൂടുതല്‍ പരിശോധനക്കായി ബോംബ് സ്‌ക്വാഡിനെ വിവരം അറിയിച്ചു. പൊന്നാനി സി.ഐ കെ.മുഹമ്മദ് ഹനീഫ, എസ്.ഐ ശശിധരന്‍ മേലയില്‍ എന്നിവരുടെ നേതൃത്വത്തിലുള്ള വന്‍ പൊലിസ് സംഘം സ്ഥലത്ത്  ക്യാംപ് ചെയ്യുന്നുണ്ട്.