തിരൂര്‍: യു.എ.ഇ റാസല്‍ഖൈമയില്‍ നിന്നും കരിപ്പൂരില്‍ വിമാനമിറങ്ങിയ യുവാവ് വീട്ടിലെത്തിയില്ലെന്ന് ബന്ധുക്കള്‍. തിരൂര്‍ കോട്ട് കല്ലിങ്ങല്‍ സ്വദേശി ഇലനാട്ടില്‍ നൗഷാദി(39)നെയാണ് കാണാനില്ലെന്ന് കാണിച്ച് പിതാവ് അബു കരിപ്പൂര്‍ പൊലിസില്‍ പരാതി നല്‍കിയത്. കഴിഞ്ഞ മാസം 31നാണ് നൗഷാദ് എയര്‍ ഇന്ത്യ എക്‌സ്പ്രസ് വിമാനത്തില്‍ നാട്ടിലേക്ക് മടങ്ങിയത്. പൊലിസ് നടത്തിയ പരിശോധനയില്‍ നൗഷാദ് എമിഗ്രേഷന്‍ ക്ലിയറന്‍സ് ചെയ്തതിന് ശേഷം എയര്‍പോര്‍ട്ടിന് പുറത്തിറങ്ങിയതായി കണ്ടെത്തിയിട്ടുണ്ട്.
റാസല്‍ഖൈമയില്‍ നിന്ന് നാട്ടിലേക്ക് തിരിക്കുന്നത് സംബന്ധിച്ച് വീട്ടുകാരെ വിവരം അറിയിച്ചിരുന്നു. കൊണ്ടുവരാന്‍ വാഹനം വേണ്ടെന്നും വൈലത്തൂര്‍ സ്വദേശികള്‍ക്കൊപ്പം വരുമെന്നുമായിരുന്നു ഭാര്യയെ അറിയിച്ചിരുന്നതെന്ന് ബന്ധുക്കള്‍ പറഞ്ഞു.