നിലമ്പൂര്‍: സെവന്‍സ് ഫുട്‌ബോള്‍ അസോസിയേഷന്‍ ജില്ലാ സമ്മേളനം വണ്ടൂരില്‍ എ.പി അനില്‍ കുമാര്‍ എം.എല്‍.എ ഉദ്ഘാടനം ചെയ്തു. ജില്ലാ പ്രസിഡന്റ് യു.പി പുരുഷോത്തമന്‍ അധ്യക്ഷനായി. സംസ്ഥാന ട്രഷറര്‍ കെ.ടി ഹംസ പതാക ഉയര്‍ത്തി. എം.എല്‍.എമാരായ പി.വി അന്‍വര്‍ എം.എല്‍.എ, എം.ഉമ്മര്‍ തുടങ്ങിയവര്‍ മുഖ്യാതിഥികളായി. എസ്.എഫ്.എ സംസ്ഥാന പ്രസിഡന്റ് കെ.എ ലെനിന്‍ മുഖ്യ പ്രഭാഷണം നടത്തി. മുന്‍കാല ഫുട്‌ബോളര്‍മാര്‍, സിനിമ സംവിധായകന്‍ ജമേശ് കോട്ടക്കല്‍, രചയിതാവ് അജയകുമാര്‍ പോരൂര്‍ എന്നിവരെ ആദരിച്ചു. കഴിഞ്ഞ സീസണിലെ മികച്ച കളിക്കാര്‍ക്കുള്ള ഉപഹാരങ്ങള്‍ വിതരണം ചെയ്തു. ബ്ലോക്ക് പഞ്ചായത്ത് പ്രസിഡന്റ് കെ.ടി ജുവൈരിയ, കെ.കെ സാജിത, കെ.ടി അജ്മല്‍, കെ.ഫസ്‌ലക് മാസ്റ്റര്‍, സുനില്‍ ബോസ്സ്, കെ.റൗഫ്, ആലിക്കോയ, ജോണ്‍സണ്‍, കാസിം ബാവ തിരൂര്‍ തുടങ്ങിയവര്‍ സംസാരിച്ചു. ഭാരവാഹികളായി സുപ്പര്‍ അഷ്‌റഫ് മലപ്പുറം (രക്ഷാധികാരി), യു.പി പുരുഷോത്തമന്‍ എടപ്പാള്‍ (പ്രസി), സലാഹുദ്ദീന്‍ മമ്പാട് (ജന.സെക്ര), മന്‍സൂറലി മൊറയൂര്‍ (സെക്ര) എന്നിവരെ തെരരഞ്ഞെടുത്തു.