ഇരിട്ടി:റോഡ് മുറിച്ചുകടക്കവെ അമിത വേഗതയില്‍ വന്ന കാറിടിച്ച് വീട്ടമ്മക്ക് പരുക്കേറ്റു.വിളക്കോട് സ്വദേശിനി ഒമ്പാന്‍ റഹ്മത്ത്(38)നാണ് പരിക്കേറ്റത്. തലയ്ക്ക് സാരമായി പരുക്കേറ്റ ഇവരെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നലെ വൈകുന്നേരം നാലോടെ ഇരിട്ടി പേരാവൂര്‍ റോഡില്‍ ഹാജി റോഡിനു സമീപമായിരുന്നു അപകടം. പേരാവൂര്‍ ഭാഗത്തു നിന്നെത്തിയ കാര്‍ റഹ്മത്തിനെ ഇടിച്ചുതെറിപ്പിച്ച ശേഷം റോഡരികിലെ വൈദ്യുത പോസ്റ്റിലിടിച്ച് നില്‍ക്കുകയായിരുന്നു.