ശ്രീകണ്ഠപുരം: തളിപ്പറമ്പ്- ഇരിട്ടി ദേശീയ പാതയില്‍ ചെങ്ങളായി ചേരന്‍ മുലയില്‍ കാറുകള്‍ കൂട്ടിയിടിച്ച് ഏഴു പേര്‍ക്ക് പരുക്ക്. തളിപ്പറമ്പ് ഭാഗത്തേക്ക് പോകുന്ന കാറും  ശ്രീകണ്ഠപുരം ഭാഗത്തേക്ക് പോകുന്ന  മറ്റൊരു കാറുമാണ് കൂട്ടിയിടിച്ചത്. പയ്യാവൂര്‍ ചമതച്ചാലലെ സ്റ്റീഫന്‍ (45), എയ്ഞ്ചല്‍ ബിനോയ് (32), പണ്ടാരശേരി ബിജു (43), പരിയാരം സ്വദേശികളായ ജോസഫ് (40), മക്കളായ ആറോണ്‍ (4), അന്നാലിസ (3), ബന്ധുവായ ജോബി (38) എന്നിവര്‍ക്കാണ് പരുക്കേറ്റത്. പയ്യാവൂര്‍ സ്വദേശികളെ തളിപ്പറമ്പ സഹകരണ ആശുപത്രിയിലും പരിയാരം സ്വദേശികളെ പരിയാരം മെഡിക്കല്‍ കോളജിലും പ്രവേശിപ്പിച്ചു. കഴിഞ്ഞദിവസം വൈകിട്ട് അഞ്ചിനാണ് അപകടം.