രാജ്യാന്തര വില ഔണ്‍സിന് 3500 ഡോളര്‍ വരെ തൊട്ട സ്വര്‍ണമിതാ കുത്തനെ ഇടിയുന്നു. ദിവസങ്ങളായി ഇപ്പോള്‍ വിലക്കുറവാണ് സ്വര്‍ണത്തിന് കാണിക്കുന്നത്. . എന്നാല്‍ ഇപ്പോള്‍ സ്വര്‍ണത്തിന് വില കുറയുകയാണ്. യുഎസിന്റെ പകരചുങ്ക നടപടിയാണ് സ്വര്‍ണത്തിന്റെ വില ഉയരാന്‍ കാരണമായിരുന്നത്. പകരചുങ്കത്തില്‍ യുഎസ് നിലപാട് മയപ്പെടുത്തിയതോട ഇപ്പോള്‍ വില കുറഞ്ഞു വരികയാണ്. ചൈനയുമായി യു.എസ് വ്യാപരക്കരാര്‍ ഉണ്ടാക്കിയതാണ് ഇന്ന് സ്വര്‍ണവിലയില്‍ പ്രതിഫലിച്ചതെന്നാണ് വിദഗ്ധര്‍ പറയുന്നത്.

ഇതോടെ ഇന്ന് രാജ്യാന്തര വിപണയില്‍ സ്‌പോട്ട് ഗോള്‍ഡ് ഔണ്‍സിന് 3277 ഡോളറാണ്. മെയ് 29 ന് ശേഷമുള്ള ഏറ്റവും താഴ്ന്ന വിലയാണിത്. രാജ്യാന്തര വിപണിയിലെ വിലയിടിവ് കേരളത്തിലും ആശ്വാസമായിരിക്കുകയാണ്. കഴിഞ്ഞ ദിവസത്തെ അപേക്ഷിച്ച് 120 രൂപയുടെ കുറവാണ് ഇന്ന് പവന്.

കേരളത്തില്‍ ഇന്ന് ഒരു പവന്

ഞായറാഴ്ച പവന്‍ വില 71,440 രൂപയായിരുന്നു 22 കാരറ്റിന്. ഇന്ന് ഒരു പവന്‍ സ്വര്‍ണത്തിന് വില 71320 രൂപയാണ്. ഗ്രാമിന് 15 രൂപയുടെ കുറവാണുണ്ടായത്.  വില 8915 രൂപ. ജൂണ്‍ മാസത്തിലെ ഏറ്റവും താഴ്ന്ന നിരക്കാണിത്. ജൂണ്‍ 14 നാണ് സംസ്ഥാനത്ത് ഏറ്റവും ഉയര്‍ന്ന വില രേഖപ്പെടുത്തിയത്, 75,560 രൂപ. എട്ട് ദിവസത്തിനിടെ സ്വര്‍ണവിലയില്‍ 2560 രൂപയുടെ ഇടിവാണ് ഉണ്ടായത്.

ALSO READ: അറിയാമോ മൊബൈലിലുമുണ്ട് ഇത്തിരിപ്പൊന്ന്...വേര്‍തിരിച്ചെടുക്കാന്‍ പുതിയ സാങ്കേതിക വിദ്യ; ഇ വെയ്സ്റ്റില്‍ നിന്നൊരു മോതിരം പണിതാലോ

എന്നാല്‍  ഒരു പവന്‍ സ്വര്‍ണം വാങ്ങണമെങ്കില്‍ 5 ശതമാനം പണിക്കൂലിയും 3 ശതമാനം ജി എസ് ടിയും കൂടി നല്‍കണം. 5 ശതമാനം എന്നത് അടിസ്ഥാന പണിക്കൂലിയാണ്. ഇതനുസരിച്ച് ചുരുങ്ങിയത് 80,850 രൂപയെങ്കിലും നല്‍കിയാലാണ് ഒരു പവന്‍ ലഭിക്കുക.