കല്‍പ്പറ്റ. ദേശീയ അധ്യാപക ദിനാഘോഷം ജില്ലാതല പരിപാടികള്‍ മുട്ടില്‍ വയനാട് ഓര്‍ഫനേജ് വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ നടന്നു. ഇതിനോടനുബന്ധിച്ച് ദേശീയ- സംസ്ഥാന അധ്യാപക അവാര്‍ഡ് ജേതാക്കളെ ആദരിക്കുകയും ജില്ലയിലെ മികച്ച പി.ടി.എ കമ്മിറ്റികള്‍ക്കുള്ള അവാര്‍ഡ് വിതരണവും നടന്നു.
    സി.കെ ശശീന്ദ്രന്‍ എം.എല്‍.എ.ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് ടി ഉഷാകുമാരി അധ്യക്ഷയായി. സംസ്ഥാന അധ്യാപക അവാര്‍ഡ് ജേതാക്കളായ ടോമി ഫിലിപ്പ്, എ.സി ഉണ്ണിക്യഷ്ണന്‍, ടി.എ പൗലോസ് എന്നിവരെ ഐ.സി ബാലകൃഷ്ണന്‍ എം.എല്‍.എയും, ദേശീയ അധ്യാപക അവാര്‍ഡ് ജേതാവായ എന്‍.വി ജോര്‍ജ്ജിനെ ഡബ്ല്യു.എം.ഒ ജനറല്‍ സെക്രട്ടറി എം.എ മുഹമ്മദ് ജമാലും ആദരിച്ചു. ജില്ലയിലെ പ്രൈമറി, സെക്കന്‍ഡറി വിഭാഗത്തില്‍ നിന്നും മികച്ച പി.ടി.എ ആയി തെരഞ്ഞെടുത്ത ജി.എല്‍.പി. സ്‌കൂള്‍ കണ്ടത്തുവയല്‍, എസ്.എ.എല്‍.പി. സ്‌കൂള്‍ കോട്ടത്തറ, ജി.എച്ച്.എസ്.എസ് തരുവണ, ജി.വി.എച്ച്.എസ്.എസ് വാകേരി എന്നീ സ്‌കൂളുകള്‍ക്കുള്ള അവാര്‍ഡ്  ജില്ലാ പഞ്ചായത്ത് വൈസ് പ്രസിഡന്റ് പി.കെ അസ്മത്ത് വിതരണം ചെയതു.
അധ്യാപക ദിനത്തോടനുബന്ധിച്ച് നടത്തിയ ജില്ലാതല മത്സരങ്ങളില്‍ വിജയിച്ച അധ്യാപകര്‍ക്കുള്ള അവാര്‍ഡുകള്‍ മുട്ടില്‍ ഗ്രാമപഞ്ചായത്ത് പ്രസിഡന്റ് എ.എം നജീം, ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ എ ദേവകി, ജില്ലാ പഞ്ചായത്ത് വികസന സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ കെ മിനി, ജില്ലാ വിദ്യാഭ്യാസ ഉപഡയരക്ടര്‍ എം ബാബുരാജന്‍ എന്നിവര്‍ വിതരണം ചെയ്തു.
കല്‍പ്പറ്റ ബ്ലോക്ക് പഞ്ചായത്തംഗം എം.ഒ ദേവസ്യ, എസ്.എസ്.എ ജില്ലാ പ്രൊജക്ട് ഓഫിസര്‍ ജി.എന്‍ ബാബുരാജ്, ഹയര്‍ സെക്കന്‍ഡറി ജില്ലാ കോര്‍ഡിനേറ്റര്‍ കെ.കെ വര്‍ഗീസ്, പി.ടി.എ പ്രസിഡന്റ് യുഇബ്രാഹിം, മുട്ടില്‍ ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പല്‍ പി അബ്ദുല്‍ ജലീല്‍, വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പല്‍ ബിനുമോള്‍ ജോസ്, യു.പി.സ്‌കൂള്‍ പ്രധാനാധ്യാപിക മോളി കെ ജോര്‍ജ്, സ്‌പെഷല്‍ സ്‌കൂള്‍ പ്രധാനാധ്യാപിക ടി.കെ സുമയ്യ, മുട്ടില്‍ ഹൈസ്‌കൂള്‍ പ്രധാനാധ്യാപകന്‍ പി.വി മൊയ്തു, പ്രോഗ്രാം കമ്മിറ്റി കണ്‍വീനര്‍ പി.പി മുഹമ്മദ്, പബ്ലിസിറ്റി കമ്മിറ്റി കണ്‍വീനര്‍ എന്‍.എ വിജയകുമാര്‍ സംസാരിച്ചു.