തൃശൂര്‍: തെരുവ് നായകളെ പിടികൂടാന്‍ തയാറെന്ന് കര്‍മ ഗ്രൂപ്പ് പ്രതിനിധികള്‍ വാര്‍ത്താ സമ്മേളനത്തില്‍ അറിയിച്ചു. സംഘത്തിന് പ്രത്യേക പരിശീലനം നല്‍കിയതായും അവര്‍ പറഞ്ഞു. കോര്‍പറേഷന്‍ ആവശ്യപ്പെടുന്ന മുറക്ക് നായപിടിത്തം ആരംഭിക്കും. ജില്ലയുടെ വിവിധ ഭാഗങ്ങളില്‍ നിന്നുള്ള 30 യുവാക്കള്‍ അടങ്ങുന്ന സംഘമാണ് രൂപവല്‍കരിച്ചത്. ചുരുങ്ങിയ പണം ഈടാക്കി നായകളെ പിടികൂടുന്നതിനാല്‍ സര്‍ക്കാരിനും ചെലവ് ചുരുക്കാനാകുമെന്ന് അവര്‍ അറിയിച്ചു. വാര്‍ത്താ സമ്മേളനത്തില്‍ വി.ബി വൈശാഖ്, ബിജു മണികണ്ഠന്‍, എം.എന്‍ ദേവന്‍, കെ.അര്‍ജുന്‍, പി.ആര്‍ അര്‍ജുന്‍ എന്നിവര്‍ സംബന്ധിച്ചു.