കൊല്ലം: കൊല്ലത്ത് സ്‌കൂള്‍ വിദ്യാര്‍ഥി ഷോക്കേറ്റ് മരിച്ച സംഭവത്തില്‍ അധ്യാപകര്‍ക്കെതിരെ നടപടി. പ്രധാനാധ്യാപികയെ സസ്‌പെന്‍ഡ് ചെയ്യും. ഡിജിഇയുടെ അന്തിമ റിപ്പോര്‍ട്ട് വന്നതിന് പിന്നാലെ തുടര്‍നടപടികളിലേക്ക് കടക്കാനാണ് സര്‍ക്കാര്‍ തീരുമാനം.

സംഭവത്തില്‍ സ്‌കൂളിനും, കെഎസ്ഇബിയ്ക്കും, പഞ്ചായത്തിനും ഗുരുതര വീഴ്ച്ച സംഭവിച്ചെന്നാണ് കണ്ടെത്തല്‍. കാലങ്ങളായി ക്ലാസ് മുറിക്ക് സമീപത്ത് വൈദ്യുതി ലൈന്‍ താഴ്ന്ന് കിടന്നിട്ടും ആരും തിരഞ്ഞ് നോക്കിയില്ല. ലൈനിന് തൊട്ടുതാഴെ ഷെഡ് പണിതതും നിയമവിരുദ്ധമായാണ്. ഈ വര്‍ഷം സ്‌കൂളിന് ഫിറ്റ്‌നസ് സര്‍ട്ടിഫിക്കറ്റ് നല്‍കിയ നടപടിയിലും അന്വേഷണമുണ്ടാവും. ക്ലാസുകള്‍ ആരംഭിക്കുന്നതിന് മുന്നോടിയായി മതിയായ പരിശോധനകള്‍ നടന്നിട്ടില്ലെന്നാണ് ആരോപണം. 

അതേസമയം മരിച്ച മിഥുന്റെ മാതാവ് വിദേശത്ത് നിന്ന് നാട്ടില്‍ തിരിച്ചെത്തിയതിന് ശേഷമായിരിക്കും മൃതദേഹം മറവ് സംസ്‌കരിക്കുക. അതുവരെ മൃതദേഹം മോര്‍ച്ചറിയില്‍ സൂക്ഷിക്കും. അമ്മ സുജ നിലവില്‍ തുര്‍ക്കിയിലാണുള്ളത്. ഇവര്‍ നാളെ നാട്ടിലെത്തുമെന്നാണ് സൂചന. 

ALSO READ: കനത്ത മഴ; റെഡ് അലര്‍ട്ട്; മൂന്ന് ജില്ലകളില്‍ ഇന്ന് അവധി 

ഇന്നലെ രാവിലെ ഒന്‍പതരയോടെയാണ് കൊല്ലം തേവലക്കര കോവൂര്‍ ബോയ്‌സ് ഹൈസ്‌കൂളിലെ എട്ടാം ക്ലാസ് വിദ്യാര്‍ഥി വലിയപാടം സ്വദേശി മനുവിന്റെ മകന്‍ മകന്‍ സ്‌കൂളില്‍വെച്ച് ഷോക്കേറ്റ് മരിച്ചത്. 
രിച്ചത്. ക്ലാസ് തുടങ്ങുന്നതിന് മുമ്പ് കുട്ടികള്‍ കളിച്ച് കൊണ്ട് നില്‍ക്കെ സ്‌കൂള്‍ സൈക്കിള്‍ ഷെഡിന് മുകളില്‍ വീണ ചെരുപ്പ് എടുക്കാന്‍ കയറിപ്പോഴായിരുന്നു അപകടമുണ്ടായത്. ചെരുപ്പ് എടുക്കാന്‍ മതില്‍ വഴി ഷെഡിന് മുകളില്‍ കയറിയ കുട്ടിക്ക് അതിനുമുകളിലൂടെ പോയ വൈദ്യുതി ലൈനില്‍ നിന്നും ഷോക്കേല്‍ക്കുകയായിരുന്നു. കുട്ടിയെ താഴെ ഇറക്കി താലൂക്ക് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

സംഭവത്തില്‍ അധികൃതര്‍ക്കെതിരെ പ്രതിഷേധം കനക്കുകയാണ്. ഇന്ന് വിവിധ സംഘടനകളുടെ നേതൃത്വത്തില്‍ പ്രതിഷേധ മാര്‍ച്ചും, പഠിപ്പ് മുടക്കും ആഹ്വാനം ചെയ്തിട്ടുണ്ട്. വിദ്യാര്‍ഥിയുടെ മരണത്തില്‍ പ്രതിഷേധിച്ച് സംസ്ഥാന വ്യാപകമായി പഠിപ്പ് മുടക്കിന് കെഎസ് യു ആഹ്വാനം ചെയ്തിട്ടുണ്ട്. ഇതിന് പുറമെ എബിവിപി, ഫ്രറ്റേണിറ്റി എന്നീ സംഘടനകളും ഇന്ന് വിദ്യാഭ്യാസ ബന്ദിന് ആഹ്വാനം ചെയ്തിട്ടുണ്ട്.

Incident of an 8th grade student dying from electric shock; action against teachers; the headmistress will be suspended.