ദുബൈ: ദുബൈയിലെ ഏറ്റവും തിരക്കേറിയ ആരോഗ്യ സംരക്ഷണ, വാണിജ്യ കേന്ദ്രങ്ങളിലൊന്നായ ദുബൈ ഹെല്‍ത്ത്‌കെയര്‍ സിറ്റി എക്‌സിറ്റില്‍ നിന്ന് ശൈഖ് സായിദ് റോഡിലേക്കുള്ള പ്രധാന ഗതാഗത മെച്ചപ്പെടുത്തലുകള്‍ അന്തിമമാക്കുന്നതായി റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍.ടി.എ) പ്രഖ്യാപിച്ചു. ഈ മാസം 20ഓടെ നവീകരണ പ്രവര്‍ത്തനങ്ങള്‍ പൂര്‍ത്തിയാകുമെന്നും, പ്രദേശത്തെ ഗതാഗത പ്രവാഹം ഗണ്യമായി വര്‍ധിക്കുമെന്നും പ്രതീക്ഷിക്കുന്നതായി അധികൃതര്‍ അറിയിച്ചു.

നിലവിലെ സ്റ്റോപ് കണ്‍ട്രോള്‍ഡ് എക്‌സിറ്റ് (സ്ട്രീറ്റ് 13) ഒരു സുഗമ ഗതാഗത ഇടനാഴിയാക്കി മാറ്റുന്നതിലാണ് പദ്ധതി ശ്രദ്ധ കേന്ദ്രീകരിക്കുന്നത്. ഔദ് മൈഥയുടെയും ശൈഖ് റാഷിദ് റോഡിന്റെയും ഇന്റര്‍സെക്ഷനുമായി നേരിട്ട് ബന്ധിപ്പിക്കുന്ന പുതിയൊരു ആക്‌സിലറേഷന്‍ ലെയ്ന്‍ ഇതില്‍ ഉള്‍പ്പെടുന്നു. കൂടാതെ, അല്‍ റിയാദ് സ്ട്രീറ്റില്‍ നിന്ന് വരുന്ന വാഹനങ്ങളുടെ ശേഷി മെച്ചപ്പെടുത്താന്‍ അടുത്തുള്ള സര്‍വിസ് റോഡ് 500 മീറ്റര്‍ നീളത്തില്‍ ഒരു ലെയ്‌നില്‍ നിന്ന് രണ്ട് ലെയ്‌നായി വീതി കൂട്ടുന്നു.

ആര്‍.ടി.എയുടെ കണക്കനുസരിച്ച് നവീകരിച്ച എക്‌സിറ്റില്‍ നിലവിലുള്ള ശേഷി മണിക്കൂറില്‍ 3,000 വാഹനങ്ങളായി ഇരട്ടിക്കും. ഇത് പ്രത്യേകിച്ചും തിരക്കേറിയ സമയങ്ങളില്‍ തിരക്കും കാത്തിരിപ്പ് സമയവും 50% കുറയ്ക്കുന്നതാണ്. ദുബൈ ഹെല്‍ത്ത്‌കെയര്‍ സിറ്റിയിലെയും സമീപത്തുള്ള ഔദ് മൈഥയിലെയും താമസക്കാര്‍, രോഗികള്‍, ആരോഗ്യ പ്രവര്‍ത്തകര്‍, വിദ്യാര്‍ത്ഥികള്‍ എന്നിവരുടെ സുഗമ ചലനത്തെ പിന്തുണയ്ക്കുന്നതിനൊപ്പം, എളുപ്പത്തിലും സുരക്ഷിതവുമായ ഡ്രൈവിംഗ് അനുഭവം പ്രദാനം ചെയ്യുമെന്നും പ്രതീക്ഷിക്കുന്നു.

'ദുബൈയിലെ പ്രധാന ഇടനാഴികളിലൂടെ ഗതാഗത ശേഷി വര്‍ധിപ്പിക്കാനും റോഡ് സുരക്ഷ കൂട്ടാനും യാത്രാ സമയം മെച്ചപ്പെടുത്താനുമുള്ള ആര്‍.ടി.എയുടെ വിശാല ശ്രമങ്ങളുടെ ഭാഗമാണ് ഈ പദ്ധതി'' അധികൃതര്‍ പ്രസ്താവനയില്‍ പറഞ്ഞു.
ദുബൈ ഹെല്‍ത്ത്‌കെയര്‍ സിറ്റിയിലെ ആശുപത്രികള്‍, ക്ലിനിക്കുകള്‍, അക്കാദമിക് സ്ഥാപനങ്ങള്‍, താമസ സ്ഥലങ്ങള്‍, ഓഫിസുകള്‍ എന്നിവയുടെ സവിശേഷ മിശ്രിതമുള്ള നിര്‍ണായക നഗര മേഖലയാണിവിടം. കാര്യക്ഷമമായ റോഡ് പ്രവേശനം അതിന്റെ പ്രവര്‍ത്തനത്തിനും വളര്‍ച്ചയ്ക്കും അത്യന്താപേക്ഷിതമാണ്.

ഉം ഹുറൈറിനും ഔദ് മേത്ത മൈഥയ്ക്കും ഇടയിലുള്ള മെച്ചപ്പെട്ട എന്‍ട്രിഎക്‌സിറ്റ് പോയിന്റുകള്‍ ഉള്‍പ്പെടെ പ്രദേശത്തെ മുന്‍ ആര്‍.ടി.എ മെച്ചപ്പെടുത്തലുകളെ അടിസ്ഥാനമാക്കിയാണ് നിലവിലെ സംരംഭം. മുന്‍കാല പ്രവര്‍ത്തനങ്ങള്‍ ത്വരിതപ്പെടുത്തലും സ്പീഡ് കുറയ്ക്കലും പാതകള്‍ ചേര്‍ക്കലും സര്‍വിസ് റോഡ് രണ്ട് മുതല്‍ മൂന്ന് വരെ പാതകളായി വികസിപ്പിക്കാളും ഇതിന്റെ ഭാഗമായിരുന്നു. നല്ല തിരക്കുള്ള സമയങ്ങളില്‍ 40% കുറവ് കൈവരിക്കാന്‍ സാധിച്ചിട്ടുണ്ട്.

ALSO READ: ഗസ്സയെ ഭക്ഷിപ്പിച്ച് യുഎഇ; എട്ടാമത്തെ സഹായ കപ്പല്‍ പുറപ്പെട്ടു

ALSO READ: ഫലസ്തീനിലെ ഏക കത്തോലിക്ക ചര്‍ച്ചും തകര്‍ത്ത് ഇസ്‌റാഈല്‍; അപലപിച്ച് മാര്‍പാപ്പയും ലോക രാജ്യങ്ങളും

Dubai’s Roads and Transport Authority (RTA) is set to complete a major upgrade at the Dubai Healthcare City exit (Street 13) on July 20, aimed at significantly improving traffic flow and reducing congestion in one of the emirate’s busiest corridors.