ഡിപ്ലോമ ഇൻ ഡിജിറ്റൽ മീഡിയ പ്രൊഡക്ഷൻ: അപേക്ഷ 24 വരെ

കാലിക്കറ്റ് സർവകലാശാലാ എജ്യുക്കേഷണൽ മൾട്ടിമീഡിയ ആൻഡ് റിസർച് സെന്ററിലെ ആറുമാസ ഡിപ്ലോമ ഇൻ ഡിജിറ്റൽ മീഡിയ പ്രൊഡക്ഷൻ പ്രോഗ്രാമിന് 24 വരെ അപേക്ഷിക്കാം. ഓൺലൈനായാണ് അപേക്ഷ സമർപ്പിക്കേണ്ടത്. അടിസ്ഥാന യോഗ്യത : ബിരുദം. അപേക്ഷാ ഫീസ് : ജനറൽ വിഭാഗത്തിന് 645 രൂപ. എസ്.സി, എസ്.ടി. വിഭാഗത്തിന് 285 രൂപ. നവമാധ്യമരംഗത്ത് വിപ്ലവകരമായ മാറ്റങ്ങൾക്ക് വഴിതുറന്ന ഡിജിറ്റൽ മീഡിയ കണ്ടന്റുകളുടെ നിർമാണത്തിൽ സമഗ്ര പരിശീലനം നൽകുന്നതാണ് കോഴ്‌സ്. 

ഗ്രാഫിക് ഡിസൈൻ, ഫോട്ടോഗ്രഫി, വിഡിയോഗ്രഫി, വിഷ്വൽ എഫക്ട്‌സ്, ഓഡിയോ - വിഷ്വൽ പ്രൊഡക്ഷൻ, പോസ്റ്റ് - പ്രൊഡക്ഷൻ തുടങ്ങിയ മേഖലകളിൽ നവീന സാങ്കേതിക സംവിധാന ങ്ങളോടെ പ്രായോഗിക പരിശീലനത്തിലൂന്നിയാണ് കോഴ്‌സ് വിഭാവനം ചെയ്തിരിക്കുന്നത്. പഠനകാലയളവിൽ കാലിക്കറ്റ് സർവകലാശാല എജ്യുക്കേഷണൽ മൾട്ടിമീഡിയ റിസർച് സെന്ററിൽ ഇന്റേൺഷിപ്പിനും അവസരമുണ്ട്. കൂടുതൽ വിവരങ്ങൾക്ക് admission.uoc.ac.in.  ഫോൺ : 9946823812, 9846512211.

ALSO READ: കാലിക്കറ്റിൽ പരീക്ഷ അപേക്ഷ, ഫലം, പുനർ മൂല്യനിർണ്ണയം; അറിയാം ഇന്നത്തെ യൂണിവേഴ്സിറ്റി വാർത്തകൾ 

പി.ജി. ഇന്റഗ്രേറ്റഡ് പി.ജി പ്രവേശനം: ലേറ്റ് രജിസ്ട്രേഷൻ 25 വരെ

2025 - 26 അധ്യയന വർഷത്തെ കാലിക്കറ്റ് സർവകലാശാലയുടെ വിവിധ പഠനവകുപ്പുകളിലെ പി.ജി, ഇന്റഗ്രേറ്റഡ് പി.ജി, എൽ.എൽ.എം, സർവകലാശാലാ സെന്ററുകൾ / അഫിലിയേറ്റഡ് കോളജുകളിലെ എം.എസ്.ഡബ്ല്യു, എം.സി.എ, എം.എ ജേണലിസം ആൻഡ് മാസ് കമ്യൂണിക്കേഷൻ, എം.എസ് സി. ഹെൽത്ത് ആൻഡ് യോഗാ തെറാപ്പി, എം.എസ്.സി. ഫോറൻസിക് സയൻസ്, എം.എസ്.സി. ജനറൽ ബയോടെക്‌നോളജി എന്നീ പ്രോഗ്രാമുകളിലെ ഒഴിവുള്ള സീറ്റുകളിലേക്ക് ഓൺലൈനായി ലേറ്റ് രജിസ്ട്രേഷൻ നടത്തുന്നതിനുള്ള സൗകര്യം 25ന് വൈകീട്ട് അഞ്ചു മണി വരെ നീട്ടി. 

പരമാവധി ആറ് പ്രോഗ്രാമുകളിലേക്ക് അപേക്ഷിക്കാം. അപേക്ഷാ ഫീസ് : ജനറൽ വിഭാഗത്തിന് 975 രൂപ. എസ്.സി, എസ്.ടി. വിഭാഗത്തിന് 615 രൂപ. (എൽ.എൽ.എം. പ്രോഗ്രാമിന് - ജനറൽ വിഭാഗത്തിന് 1205 രൂപ. എസ്.സി, എസ്.ടി. വിഭാഗത്തിന് 740 രൂപ.). 
ഒന്നിൽ കൂടുതൽ പ്രോഗ്രാമുകളിലേക്ക് അപേക്ഷിക്കുന്നവർ ഓരോ അധിക പ്രോഗ്രാമിനും 95 രൂപ വീതം അപേക്ഷാ ഫീസിനോടൊപ്പം ഒന്നിച്ച് അടയ്ക്കണം. ഒഴിവു വിവരങ്ങൾ പ്രവേശന വിഭാഗം വെബ്‌സൈറ്റിൽ. അപേക്ഷിക്കുന്നവർ അതത് പഠനവകുപ്പ്, കോളജ് സെന്ററുമായി ബന്ധപ്പെട്ട് ഒഴിവുവിവരങ്ങൾ ഉറപ്പുവരുത്തിയ ശേഷം മാത്രം ഓൺലൈൻ രജിസ്ട്രേഷൻ ചെയ്യണം. കൂടുതൽ വിവരങ്ങൾക്ക് admission.uoc.ac.in . ഫോൺ : 0494 2407016, 2407017, 2660600.

കൂടുതല്‍ education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

Calicut University Integrated PG Admission; Late Registration Until July 25