മനാമ: കൈപ്പത്തി സ്‌കാന്‍ ചെയ്ത് പണം അടക്കാന്‍ കഴിയുന്ന പുതിയ പെയ്‌മെന്റ് സംവിധാനം പരീക്ഷണാടിസ്ഥാനത്തില്‍ ബഹ്‌റൈന്‍ നടപ്പാക്കാനൊരുങ്ങുകയാണ്. ഇതുസംബന്ധിച്ച് വിശദമായി പഠിക്കാനുള്ള നിര്‍ദേശം സ്ട്രാറ്റജിക് തിങ്കിങ് പാര്‍ലമെന്ററി ബ്ലോക്ക് (Strategic Thinking Parliamentary Bloc) ഔദ്യോഗികമായി സമര്‍പ്പിച്ചു. പാര്‍ലമെന്റിന്റെ സാമ്പത്തിക, സാമ്പത്തിക കാര്യ സമിതി ചെയര്‍മാനും ബ്ലോക്ക് പ്രസിഡന്റുമായ അഹമ്മദ് അല്‍ സലൂം പാര്‍ലമെന്റ് സ്പീക്കര്‍ അഹമ്മദ് അല്‍ മുസല്ലം മുമ്പാകെയാണ് ഈ നിര്‍ദ്ദേശം സമര്‍പ്പിച്ചത്. നിലവില്‍ പാര്‍ലമെന്റിന്റെ അവലോകനത്തിലാണ് ഈ നിര്‍ദേശമുള്ളത്.

സെന്‍ട്രല്‍ ബാങ്ക് ഓഫ് ബഹ്‌റൈന്‍ (സിബിബി), ബെനിഫിറ്റ് കമ്പനി, വ്യവസായ, വാണിജ്യ മന്ത്രാലയം, ബഹ്‌റൈന്‍ ചേംബര്‍ എന്നിവയുമായി ഏകോപിപ്പിച്ച് വിശദമായ വിലയിരുത്തലിനായി നിര്‍ദേശം അല്‍ സല്ലൂമിന്റെ സമിതിക്ക് കൈമാറിയിട്ടുണ്ട്.

 

 

ഉപയോക്താക്കള്‍ക്ക് അവരുടെ കൈ സ്‌കാന്‍ ചെയ്തുകൊണ്ട് സാധനങ്ങള്‍ പര്‍ച്ചേസ് ചെയ്യാനും സേവനങ്ങള്‍ ചെയ്യാനും അനുവദിക്കുന്ന ഏറ്റഴും പുതിയ പേയ്‌മെന്റ് മെത്തേഡ് ആണിത്. ഇന്‍ഫ്രാറെഡ് ക്യാമറകള്‍ പോലുള്ള നൂതന ബയോമെട്രിക് ടൂളുകള്‍ ഉപയോഗിച്ച് വിരലടയാളങ്ങളും സിരകളുടെ പാറ്റേണുകളും തിരിച്ചറിയുന്ന സംവിധാനമാണിത്. കൈപ്പത്തി കൊണ്ട് സ്‌കാന്‍ ചെയ്യുന്ന 'പാം സ്‌കാന്‍ പെയ്‌മെന്റ്' സംവിധാനം ആഗോളതലത്തില്‍ പ്രത്യേകിച്ച് ചൈനയില്‍ വലിയ രീതിയില്‍ പ്രചാരണം നേടിയ രീതിയാണ്. 

ചൈനയിലെ സബ്വേകളിലും കണ്‍വീനിയന്‍സ് സ്റ്റോറുകളിലും മറ്റ് സേവന കേന്ദ്രങ്ങളിലും ഈ പെയ്‌മെന്റ് സംവിധാനം സജീവ പ്രചാരച്ചിലുണ്ട്. കാര്‍ഡിന്റെയോ, മൊബൈല്‍ ഫോണിന്റെയോ ആവശ്യമില്ലാതെ പേയ്‌മെന്റ് ചെയ്യാന്‍ കൈ മാത്രം മതിയാകും. ഇത് വളരെ സുരക്ഷിതവും ഉപയോക്തൃ സൗഹൃദവുമായ സാങ്കേതികവിദ്യയുമായാണ് അറിയപ്പെടുന്നത്. 

ടെന്‍സെന്റ് പോലുള്ള കമ്പനികളാണ് ഈ സാങ്കേതികവിദ്യക്ക് തുടക്കമിട്ടത്. പൈലറ്റ് പദ്ധതി എന്ന നിലയിലാകും ഇത് ബഹ്‌റൈനില്‍ അവതരിപ്പിക്കുക.

ALSO READ: തലാലിന്റെ സഹോദരന്‍ മകനെ കൊലപ്പെടുത്തിയവര്‍ക്ക് മാപ്പുകൊടുത്ത വ്യക്തി, നിമിഷപ്രിയ കേസില്‍ നിലപാട് കടുപ്പിച്ചത് തലാലിനെതിരായ ഇന്ത്യയിലെ മാധ്യമ വാര്‍ത്തകളെ തുടര്‍ന്ന്

New futuristic payment solution that allows users to make purchases by simply scanning their hand could soon be piloted in Bahrain. The proposal to study the introduction of palm or hand scanning payment technology has been officially submitted by the Strategic Thinking Parliamentary Bloc and is now under legislative review.