കണ്ണൂർ: എംഡിഎം നവീൻ ബാബുവിന്റെ ആത്മഹത്യയിൽ മൊഴികളിൽ ഏറെയും പിപി ദിവ്യക്ക് അനുകൂലം. ആത്മഹത്യക്ക് മുമ്പായി നവീൻ ബാബു ദിവ്യയെ സ്വാധീനിക്കാൻ ശ്രമിച്ചുവെന്നാണ് സാക്ഷി മൊഴി. ദിവ്യയുടെ ബന്ധുവായ പ്രശാന്ത് നവീൻ ബാബു തന്നെ ഇടനിലക്കാരനാക്കാൻ ശ്രമിച്ചുവെന്നാണ് പറഞ്ഞത്. 

നവീനിന്റെ മരണത്തിന് പിന്നിലുള്ള ഏക പ്രതി  പിപി ദിവ്യയാണെന്നാണ് കുറ്റപത്രത്തിൽ ഉള്ളത്. പുലർച്ചെ 4 56നും രാവിലെ എട്ടു മണിക്കും ഇടയിലായിരുന്നു നവീൻ ബാബു ആത്മഹത്യ ചെയ്തിരുന്നത്. സംഭവത്തിൽ 76 സാക്ഷികളാണ് കേസിൽ ഉള്ളത്. നവീൻ ബാബു മരണപ്പെട്ടതിനുശേഷം അഞ്ചു മാസങ്ങൾക്ക് ശേഷമാണ് അന്വേഷണസംഘം കുറ്റപത്രം സമർപ്പിച്ചത്. 

യാത്രയയപ്പ് യോഗത്തിൽ ദിവ്യ നവീനെതിരെ നടത്തിയ അധിക്ഷേപമാണ് മരണകാരണമെന്നാണ് കുറ്റപത്രത്തിൽ പറയുന്നത്. തന്റെ ഔദ്യോഗിക ജീവിതത്തിൽ ഗുരുതരമായ വേട്ടയാടൽ ഉണ്ടാകുമെന്ന് നവീൻ ബാബു ഭയപ്പെട്ടിരുന്നുവെന്നും കുറ്റപത്രത്തിൽ കാണാൻ സാധിക്കും.

കഴിഞ്ഞവർഷം ഒക്ടോബർ 14ന് നവീൻ ബാബുവിനെ നൽകിയ യാത്രയയപ്പ് ചടങ്ങിൽ ക്ഷണിക്കാതെ എത്തിയ ടി പി ദിവ്യ അതിക്ഷേപ പ്രസംഗം നടത്തുകയായിരുന്നു. ഇതിന് പിന്നാലെയാണ് നവീൻ ബാബു കോട്ടേഴ്സിൽ തൂങ്ങിമരിച്ചത്. ഇതോടെയാണ് പി പി ക്കെതിരെ ആത്മഹത്യ പ്രേരണത്തിന് പൊലിസ് രേഖപ്പെടുത്തിക്കൊണ്ട് അറസ്റ്റ് ചെയ്തത്. ഇതിനു പിന്നാലെ ജില്ലാ പഞ്ചായത്ത് പ്രസിഡണ്ട് സ്ഥാനത്തു നിന്നും പാർട്ടികളുടെ ചുമതലകളിൽ നിന്നും ദിവ്യയെ ഒഴിവാക്കിയിരുന്നു.