റിയാദ്: ശരീരങ്ങള്‍ തമ്മില്‍ പരസ്പരം ഒട്ടിച്ചേര്‍ന്ന നിലയില്‍ ജനിച്ച സഊദി അറേബ്യയിലെ സയാമീസ് ഇരട്ടകളെ വിജയകരമായ ശസ്ത്രക്രിയയിലൂടെ വേര്‍പ്പെടുത്തി. റിയാദിലെ നാഷണല്‍ ഗാര്‍ഡ് മന്ത്രാലയത്തിന് കീഴിലുള്ള കിംഗ് അബ്ദുല്‍ അസീസ് മെഡിക്കല്‍ സിറ്റിയുടെ ഭാഗമായ കിംഗ് അബ്ദുല്ല സ്‌പെഷ്യലിസ്റ്റ് ചില്‍ഡ്രന്‍സ് ഹോസ്പിറ്റലില്‍ നടന്ന സങ്കീര്‍ണമായ ശസ്ത്രക്രിയയിലൂടെയാണ് ഇരട്ടകളായ ലാരയെയും യാറയെയും വേര്‍പ്പെടുത്തിയത്. 

ഏഴ് മാസം പ്രായമുള്ള ഇരട്ടകള്‍ അടിവയറ്റിലും പെല്‍വിസിലും ഒട്ടിച്ചേര്‍ന്നാണ് ജനിച്ചത്. വന്‍കുടല്‍, മലാശയം, മൂത്ര, പ്രത്യുത്പാദന സംവിധാനങ്ങള്‍, പെല്‍വിക് അസ്ഥി എന്നിവയുടെ ഭാഗങ്ങള്‍ ആണ് ചേര്‍ന്നിരുന്നത്.

 

 

പീഡിയാട്രിക് സര്‍ജറി, അനസ്‌തേഷ്യ, യൂറോളജി, ഓര്‍ത്തോപീഡിക്‌സ്, പ്ലാസ്റ്റിക് സര്‍ജറി, നഴ്‌സിംഗ് എന്നിവയിലെ കണ്‍സള്‍ട്ടന്റുകള്‍ ഉള്‍പ്പെടെ 38 വിദഗ്ധരുടെ സംഘം സംയോജിതമായി നടത്തിയ സൂക്ഷ്മമായ ശസ്ത്രക്രിയ 12.5 മണിക്കൂര്‍ നീണ്ടുനിന്നു. അതീവ സങ്കീര്‍ണ്ണമാണെങ്കിലും വേര്‍പിരിയല്‍ സാധ്യമാണെന്ന് വിപുലമായ വിലയിരുത്തലിനുശേഷമാണ് മെഡിക്കല്‍ സംഘം ശസ്ത്രക്രിയക്ക് ഒരുങ്ങിയത്. 2024 നവംബര്‍ 5 നാണ് യാറയും ലാറയും ജനിച്ചത്. 

 

 

35 വര്‍ഷത്തിനിടെ 27 രാജ്യങ്ങളില്‍ നിന്നുള്ള 150 കേസുകള്‍ അവലോകനം ചെയ്ത സൗദി കണ്‍ജോയിന്‍ഡ് ട്വിന്‍സ് പ്രോഗ്രാമിന് കീഴിലുള്ള 65ാമത്തെ വിജയകരമായ ശസ്ത്രക്രിയയാണിത്. 

The successful separation of conjoined Saudi twins Yara and Lara at King Abdullah Specialist Children's Hospital in King Abdulaziz Medical City, which is a part of the Ministry of the National Guard in Riyadh. 👏👨‍⚕🇸🇦

Dr. Al-Rabiah: We extend our gratitude to the leadership… pic.twitter.com/nMioqBIkqf

— Saudi-Expatriates.com (@saudiexpat) July 17, 2025

സൗദിയിലെ സയാമീസ് ഇരട്ടകളെക്കുറിച്ചുള്ള പ്രോഗ്രാമിന് നേതൃത്വം നല്‍കുന്ന റോയല്‍ കോര്‍ട്ടിലെ ഉപദേഷ്ടാവും കിംഗ് സല്‍മാന്‍ ഹ്യൂമാനിറ്റേറിയന്‍ എയ്ഡ് ആന്‍ഡ് റിലീഫ് സെന്ററിന്റെ (KSrelief) സൂപ്പര്‍വൈസര്‍ ജനറലുമായ ഡോ അബ്ദുല്ല അല്‍ റബീഹിന്റെ നിര്‍ദേശപ്രകാരമാണ് ശസ്ത്രക്രിയ നടന്നത്. രണ്ട് വിശുദ്ധ പള്ളികളുടെ സൂക്ഷിപ്പുകാരായ സല്‍മാന്‍ രാജാവിന്റെയും കിരീടാവകാശി മുഹമ്മദ് ബിന്‍ സല്‍മാന്റെയും അചഞ്ചലമായ പിന്തുണയാണ് പരിപാടിയുടെ വിജയത്തിന് കാരണമെന്ന് ഡോ. അല്‍റബീഹ് പറഞ്ഞു. മെഡിക്കല്‍ മികവിനും മനുഷ്യന്റെ അന്തസ്സിനും വേണ്ടിയുള്ള സൗദി അറേബ്യയുടെ നിരന്തരമായ പ്രതിബദ്ധതയുടെ തെളിവാണ് ഈ ഓപ്പറേഷന്‍ എന്ന് വിശേഷിപ്പിച്ച ഡോ. അല്‍റബീഹ്, അസാധാരണമായ ശ്രമങ്ങള്‍ക്ക് സര്‍ജിക്കല്‍ ടീമിന് നന്ദി അറിയിച്ചു.

ALSO READ: കാര്‍ഡോ മൊബൈലോ വേണ്ട, കൈ സ്‌കാന്‍ ചെയ്തും പെയ്‌മെന്റ് ചെയ്യാം; ബഹ്‌റൈനില്‍ വരുന്നത് ചൈനയില്‍ വിജയിച്ച'പാം സ്‌കാന്‍ പെയ്‌മെന്റ്' സംവിധാനം

Saudi medical and surgical team achieved a new milestone by successfully separating conjoined twins Yara and Lara in a highly complex procedure that lasted 12.5 hours. The operation was performed at King Abdullah Specialist Children’s Hospital in Riyadh.