അൽ ഐൻ: മലപ്പുറം ജില്ലയിലെ വേങ്ങര നാട്ടുകല്ല് ഏറംപടി സ്വദേശി മേലേ തൊടി ബീരാന്റെ മകൻ അൻസാർ (40) അൽ ഐനിലെ സ്വൈഹാനിൽ അന്തരിച്ചു. സൈനബയാണ് മാതാവ്. അൽ ഐൻ സുന്നി സെൻ്റർ പ്രവർത്തകൻ വേങ്ങര ഫരീദ് ഹാജിയുടെ സഹോദര പുത്രനാണ്. മുഹമ്മദലി (സൗദിയ), റിഫ്അത്ത്, അജ്മൽ, നിലോഫർ സഹോദരങ്ങളാണ്. ഫാദിയയാണ് ഭാര്യ. ഷയാൻ, നൂഹ മക്കളാണ്.

അൽ ഐൻ സ്വൈഹാനിലെ നൈൽ കോൺട്രാക്ടിങ് കമ്പനിയിൽ ഡ്രൈവറായി ജോലി ചെയ്തു വരികയായിരുന്നു. അൽ ഐൻ ശൈഖ് തഹ്നൂൻ ബിൻ മുഹമ്മദ് അൽ നഹ്‌യാൻ മെഡിക്കൽ സിറ്റിയിൽ (പഴയ ജീമീ ഹോസ്പിറ്റൽ) സൂക്ഷിച്ച മൃതദേഹം നടപടിക്രമങ്ങൾ പൂർത്തിയാക്കി നാട്ടിലേക്ക് കൊണ്ട് പോകുമെന്ന് ബന്ധപ്പെട്ടവർ അറിയിച്ചു.
അൻസാറിന്റെ നിര്യാണത്തിൽ അനുശോചനം രേഖപ്പെടുത്തിയ അൽ ഐൻ സുന്നി സെന്റർ
മഗ്ഫിറത്തിനു വേണ്ടി പ്രാർത്ഥിക്കാനും അഭ്യർത്ഥിച്ചു.