ചാവക്കാട്: ബ്ലാങ്ങാട് ബീച്ചില്‍ നഗരസഭ, ബീച്ച് പൗരാവലി എന്നിയുടെ നേതൃത്വത്തില്‍ സെപ്തംബര്‍ 16ന് ഓണം ബക്രീദ് ഫെസ്റ്റിവെല്‍ സംഘടിപ്പിക്കും. നഗരസഭാ ചെയര്‍മാന്‍ എന്‍.കെ അക്ബര്‍ ഉദ്ഘാടനം ചെയ്ത യോഗത്തിലാണ് ഇത് സംബന്ധിച്ച തീരുമാനമെടുത്തത്. നഗരസഭാ വിദ്യാഭ്യാസ കലാ കായിക സ്ഥിരം സമിതി അധ്യക്ഷന്‍ എ.സി ആനന്ദന്‍ അധ്യക്ഷനായി. ക്ഷേമ കാര്യ സ്ഥിരം സമിതി അധ്യക്ഷ എം.ബി രാജലക്ഷ്മി, ആരോഗ്യ സ്ഥിരം സമിതി അധ്യക്ഷന്‍ എ.എ മഹേന്ദ്രന്‍, കൗണ്‍സിലര്‍മാരായ ബുഷറ ലത്തീഫ്, മഞ്ജുള ജയന്‍, ഹസീന സലീം, പി.ഐ വിശ്വംഭരന്‍ എന്നിവര്‍ സംസാരിച്ചു.