മമ്പാട്: കോളജ് റോഡില്‍ പഞ്ചായത്ത് ഓഫിസിനു സമീപം ഓട്ടോമൊബൈല്‍ വര്‍ക്ക്‌ഷോപ്പിനു തീപിടിച്ചു. പുലര്‍ച്ചെ നാലോടെയാണു സംഭവം. ബൈക്ക് അറ്റകുറ്റപണികള്‍ക്കായി സൂക്ഷിച്ച സാധനസമാഗ്രികളും ഓയില്‍ സൂക്ഷിച്ച മുറിയും പൂര്‍ണമായും കത്തിനശിച്ചു. നാട്ടുകാരും പൊലിസും അഗ്നിശമന സേനയും സ്ഥലത്തെത്തിയാണു തീ പടരുന്നതു നിയന്ത്രിച്ചത്. ഇപ്പൂട്ടിങ്ങലിലെ നെടുഞ്ചേരി അജ്മലിന്റെ ഉടമസ്ഥതയിലിലുള്ള കടയാണിത്. മൂന്നുലക്ഷം രൂപയുടെ നഷ്ടം സംഭവിച്ചതായി കണക്കാക്കുന്നു.