തിരൂര്‍: പ്രകൃതിയില്‍നിന്നു പകര്‍ത്തിയ അപൂര്‍വ ദൃശ്യങ്ങളുമായി മലയാളം സര്‍വകലാശാലയില്‍ ഫോട്ടോ പ്രദര്‍ശനം. ഫോട്ടോഗ്രാഫര്‍മാരായ തോമസ് വിജയന്‍, ഷഫീഖ് ബഷീര്‍ അഹമ്മദ്, എം.എ ഷാനവാസ് എന്നിവരാണ് പ്രദര്‍ശനമൊരുക്കിയത്.
കാംപസിലെ ചിത്രശാല ഓഡിറ്റോറിയത്തില്‍ വൈസ് ചാന്‍സലര്‍ കെ. ജയകുമാര്‍ ഉദ്ഘാടനം ചെയ്തു. വിദ്യാര്‍ഥി യൂനിയന്‍ ചെയര്‍മാന്‍ എ.കെ വിനീഷ്, ഫൈന്‍ ആര്‍ട്‌സ് സെക്രട്ടറി പി.എസ് സുന്ദരേശന്‍ സംസാരിച്ചു. ബി.ബി.സി പീപ്പിള്‍ ചോയ്‌സ് അവാര്‍ഡടക്കം ഒട്ടേറെ പുരസ്‌കാരങ്ങള്‍ നേടിയ തോമസ് വിജയന്റെ ചിത്രങ്ങള്‍ പ്രദര്‍ശനത്തിലുണ്ട്.