വളാഞ്ചേരി: കോ ഓര്‍ഡിനേഷന്‍ ഓഫ് ഇസ്‌ലാമിക് കോളജസില്‍ അഫ്‌ലിയേറ്റ് ചെയ്ത അന്‍പതോളം വാഫി കോളജുകളിലെ നാലായിരം വിദ്യാര്‍ഥികള്‍ പങ്കെടുക്കുന്ന വാഫി ഫെസ്റ്റിന് ഇന്ന് തുടക്കം.
ആറു മേഖലകളിലായി  നടക്കുന്ന ഫെസ്റ്റിന്റെ 'റീജ്യണ്‍ എ' പി.ജി വിദ്യാര്‍ഥികളുടെ സ്റ്റേജ് ഇതര മത്സരങ്ങള്‍ക്കാണ്  ഇന്ന് തുടക്കമാകുന്നത്. സെപ്റ്റംബര്‍ 19 ന് കാളികാവ് പി.ജി കാംപസില്‍ നടക്കുന്ന സ്റ്റേജ് ഇനങ്ങളോടെ 'റീജ്യണ്‍ എ' വിഭാഗത്തിന്റെ മത്സരങ്ങള്‍  സമാപിക്കും. മറ്റു റീജ്യണലുകളിലായി സംഘടിപ്പിക്കുന്ന ഊല, ആലിയ സ്റ്റേജിതര ഇനങ്ങള്‍  25 ന് അതതു  സ്ഥാപനങ്ങളില്‍ നടക്കും.