വേങ്ങര: കാല്‍ നൂറ്റാണ്ടിന്റെ ഗൃഹാതുരത്വ ഓര്‍മകള്‍ പങ്കുവച്ച ചേറൂര്‍ യതീംഖാന ഹൈസ്‌കൂള്‍ വിദ്യാര്‍ഥികള്‍. 1990 ബാച്ചില്‍ എസ്.എസ്.എല്‍.സി പരീക്ഷ എഴുതിയവരാണു പത്തിനു രാവിലെ പത്തുമുതല്‍ സംഗമിക്കുന്നത്. അഞ്ചു ക്ലാസുകളിലായി പഠനം പൂര്‍ത്തിയാക്കിയ 250 പേരുടെ കുടുംബങ്ങള്‍ ഉള്‍പ്പെടെ സില്‍വര്‍ ജൂബിലി സംഗമത്തിനു എത്തും. ക്ലാസുകളുടെ പുനരാവിഷ്‌കാരം, അധ്യാപകര്‍ക്ക് ആദരം, കായിക മത്സരങ്ങള്‍ എന്നിവ നടക്കും. സംഗമത്തിന്റെ ഓര്‍മയ്ക്ക് 25 വൃക്ഷ ത്തൈകള്‍ നട്ടു സംരക്ഷിക്കാനും തീരുമാനിച്ചതായി  ഭാരവാഹികളായ കെ.എം ഹമീദ്, പുളളാട്ട് സലീം, പി. സൈബ, ടി.ടി ബഷീര്‍, കെ. സിദ്ധീഖ് എന്നിവര്‍ പത്രസമ്മേളനത്തില്‍ അറിയിച്ചു.