എടപ്പാള്‍: കഴിഞ്ഞ ദിവസം എടപ്പാള്‍ പോത്തന്നൂരില്‍നിന്നു കണ്ടെടുത്ത വസ്തു ബോംബല്ലെന്നു സ്ഥിരീകരണം. തിങ്കളാഴ്ച വൈകിട്ട് അഞ്ചോടെയാണ് പോത്തന്നൂര്‍ നരിപ്പറമ്പ് റോഡില്‍ നിര്‍മാണത്തിലിരിക്കുന്ന കെട്ടിടത്തിനു മുന്നില്‍ നിര്‍മാണ സാമഗ്രികള്‍ക്കിടയില്‍നിന്നു  ബോംബിനു സമാനമായ വസ്തു കണ്ടെടുത്തിരുന്നത്.
നാട്ടുകാര്‍ വിവരമറിയിച്ചതിനെ തുടര്‍ന്നു പൊന്നാനിയില്‍നിന്നു പൊലിസ് സംഘം സ്ഥലത്തെത്തി പരിശോധന നടത്തി. പരിശോധനയില്‍ അപകട സാധ്യതയുള്ള വസ്തുവല്ലെന്ന നിഗമനത്തിലാണ് പൊലിസ് എത്തിയത്.
എന്നാല്‍, നാട്ടുകാര്‍ സംശയം പ്രകടിപ്പിച്ചതിനെ തുടര്‍ന്നു കൂടുതല്‍ പരിശോധനയ്ക്കായി ബോംബ് സ്‌ക്വാഡിയെും ഡോഗ് സ്‌ക്വാഡിനെയും വിവരമറിയിച്ചു.
തുടര്‍ന്നു സംഘം രാത്രി എട്ടരയോടെ സ്ഥലത്തെത്തി. തുടര്‍ന്നു നടത്തിയ വിശദപരിശോധനയില്‍ വസ്തു ബോംബല്ലെന്നു സ്ഥിരീകരിക്കുകയായിരുന്നു.