പുലാമന്തോള്‍: ഷോപ്പിങ് ഫെസ്റ്റ് ലോഗോ പ്രകാശനവും നവീകരിച്ച മാര്‍ക്കറ്റിന്റെയും റോഡിന്റെയും ഉദ്ഘാടനവും ബസ് സ്റ്റാന്‍ഡ് കോംപ്ലക്‌സില്‍ നിയമസഭ സ്പീക്കര്‍  പി. ശ്രീരാമകൃഷ്ണന്‍ നിര്‍വഹിച്ചു.
പഞ്ചായത്തിന്റെ നേതൃത്വത്തില്‍ വ്യാപാരി വ്യവസായി ഏകോപന സമിതി, വ്യാപാരി വ്യവസായി സമിതി, പുലാമന്തോള്‍ കോംപ്ലക്‌സ് പ്രൈവറ്റ് ലിമിറ്റഡ് എന്നിവയുടെ സംയുക്ത ആഭിമുഖ്യത്തിലാണ് മൂന്ന് മാസം നീണ്ടു നില്‍ക്കുന്ന പുലാമന്തോള്‍ ഷോപ്പിങ് ഫെസ്റ്റ് നടക്കുന്നത്.
പുതുക്കി പണിത മാര്‍ക്കറ്റിലേക്കുള്ള റോഡിന്റെ ഉദ്ഘാടനം ജില്ലാ പഞ്ചായത്ത് അംഗം സലീം കുരുവമ്പലം നിര്‍വഹിച്ചു. മഞ്ഞളാംകുഴി അലി എം.എല്‍.എ അധ്യക്ഷനായി.
മുന്‍ എം.എല്‍.എ സി.പി മുഹമ്മദ് മുഖ്യാതിഥിയായി. പഞ്ചായത്ത് പ്രസിഡന്റ് വി.പി മുഹമ്മദ് ഹനീഫ സ്വാഗതവും ഇ. രാജേഷ് റിപ്പോര്‍ട്ട് അവതരണവും നടത്തി.