കോഴിക്കോട്: പ്രവാചക പ്രകീര്‍ത്തന സദസ്സുകള്‍ ഉദ്ദേശ ശുദ്ധിയോടെയാകണമെന്നും പ്രവാചക സ്‌നേഹപ്രകടനം ആത്മാര്‍ഥമായി നടത്തണമെന്നും സമസ്ത കേരള ജംഇയ്യതുല്‍ ഉലമാ പ്രസഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍. സമസ്ത കാര്യാലയത്തില്‍ നടന്ന ഗ്രാന്റ് മൗവിദ് സദസ്സ് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.

പ്രവാചകരുമായി ബന്ധപ്പെട്ട സര്‍വതും ആദരവോടെ വേണം നാം സമീപിക്കാന്‍. പ്രവാചക ജനനം നടന്നതു കൊണ്ടാണ് തിങ്കളാഴ്ച നോമ്പ് സുന്നത്തായത്. നബിദിനം ഏത് രീതിയിലുള്ള ആരാധനകള്‍ കൊണ്ടും ധന്യമാക്കാം. ആദരിക്കേണ്ടവയെ ആദരിക്കുക എന്നതാണ് വിശ്വാസത്തിന്റെ കാതലെന്നും അദ്ദേഹം പറഞ്ഞു.

കോഴിക്കോട് ഖാസി സയ്യിദ് മുഹമ്മദ് കോയ ജമലുല്ലൈലി അധ്യക്ഷനായി. ഉമര്‍ ഫൈസി മുക്കം, എ.വി അബ്ദുറഹ്മാന്‍ മുസ്ലിയാര്‍ ഒളവണ്ണ, അബൂബക്കര്‍ ദാരിമി, സയ്യിദ് ടി.പി.സി തങ്ങള്‍, സയ്യിദ് ഹംസ ബാഫഖി തങ്ങള്‍, സയ്യിദ് സൈനുല്‍ ആബിദീന്‍ തങ്ങള്‍ നടക്കാവ്, സയ്യിദ് അബ്ദുള്ള കോയ ശിഹാബുദ്ധീന്‍ തങ്ങള്‍, സയ്യിദ് മുബശ്ശിര്‍ ജമലുല്ലൈലി, സയ്യിദ് സ്വാലിഹ് ശിഹാബ് തങ്ങള്‍, സയ്യിദ് മന്‍സൂര്‍ ജമലുല്ലൈലി, സയ്യിദ് ഇല്യാസ് തങ്ങള്‍, സയ്യിദ് മിര്‍ബാത്ത് തങ്ങള്‍, സയ്യിദ് അലി തങ്ങള്‍, സയ്യിദ് ശറഫുദ്ധീന്‍ ജിഫ്രി, സയ്യിദ് നൗഫല്‍ ശിഹാബ് തങ്ങള്‍, മുസ്തഫ മുണ്ടുപാറ, ഒ.പി.എം അഷ്‌റഫ്, സി.പി ഇഖ്ബാല്‍, റഷീദ് ഫൈസി വെള്ളായിക്കോട്, സലാം  ഫൈസി മുക്കം തുടങ്ങിയവര്‍ പങ്കെടുത്തു.