മലപ്പുറം: മലപ്പുറം വെളിയങ്കോട് എംടിഎം കോളേജിൽ നടന്ന ഓണാഘോഷം അതിരുവിട്ടതിനെ തുടർന്ന് പൊലിസ് കേസെടുത്തു. ഓണാഘോഷത്തിനായി വിദ്യാർഥികൾ ക്യാമ്പസിലേക്ക് കൊണ്ടുവന്ന രൂപമാറ്റം വരുത്തിയ ആറ് കാറുകൾ പെരുമ്പടപ്പ് പൊലിസ് കസ്റ്റഡിയിൽ എടുത്തു.

2025 ഓഗസ്റ്റ് 27-ന് നടന്ന ഓണാഘോഷത്തിനിടെ, വിദ്യാർഥികൾ അപകടകരമായ രീതിയിൽ വാഹനങ്ങൾ ഓടിച്ചതായി പൊലിസ് പറഞ്ഞു. രൂപമാറ്റം വരുത്തിയ കാറുകൾ ഉപയോഗിച്ച് അമിത വേഗത്തിലും അശ്രദ്ധമായും വാഹനം ഓടിച്ചത് ക്യാമ്പസിനകത്തും പുറത്തും അപകടസാധ്യത സൃഷ്ടിച്ചുവെന്നാണ് പരാതി.

പൊലിസ് നടത്തിയ പരിശോധനയിൽ, ആറ് കാറുകൾ നിയമവിരുദ്ധമായി രൂപമാറ്റം വരുത്തിയതായി കണ്ടെത്തി. ഇതിന്റെ അടിസ്ഥാനത്തിൽ വാഹനങ്ങൾ കസ്റ്റഡിയിൽ എടുക്കുകയും ഡ്രൈവർമാർക്കെതിരെ കേസ് രജിസ്റ്റർ ചെയ്യുകയും ചെയ്തു. കൂടാതെ, നിയമലംഘനങ്ങൾക്ക് പിഴ ചുമത്തുകയും ചെയ്തതായി പെരുമ്പടപ്പ് പൊലിസ് അറിയിച്ചു.

ഓണാഘോഷ വേളകളിൽ ഇത്തരം അപകടകരമായ പ്രവർത്തനങ്ങൾ ഒഴിവാക്കണമെന്നും, വാഹനങ്ങൾ നിയമാനുസൃതമായി ഉപയോഗിക്കണമെന്നും പൊലിസ് മുന്നറിയിപ്പ് നൽകി. സംഭവത്തെക്കുറിച്ച് കൂടുതൽ അന്വേഷണം നടന്നു വരുകയാണ്.

The police have registered a case after the Onam celebrations at MTM College in Veliyankode, Malappuram went beyond the norm. The Perumpadappu police have taken into custody six modified cars that students brought to the campus for the Onam celebrations.