മസ്കത്ത്: ഒമാനിലുണ്ടായ വാഹനാപകടത്തില്‍ മലയാളി യുവാവിന് ദാരുണാന്ത്യം. മലപ്പുറം കൊണ്ടോട്ടി മുതുപറമ്പ് സ്വദേശിയായ പാലത്തുകുഴിയില്‍ മലയില്‍ ഹൗസില്‍ റഫീഖ് (37) മരിച്ചത്. സുഹൂല്‍ ഫൈഹ കമ്പനിയിലെ ജീവനക്കാരനായിരുന്നു. ട്രക്കുകൾ കൂട്ടിയിടിച്ചുണ്ടായ അപകടത്തിലാണ് റഫീഖ് മരണപ്പെട്ടത്.

ശനിയാഴ്ച ഉച്ച കഴിഞ്ഞായിരുന്നു അപകടം. മിസ്ഫ ജിഫ്‌നൈനില്‍ വെച്ച് ട്രക്കുകള്‍ കൂട്ടിയിടിക്കുകയായിരുന്നു. അപകട സമയത്ത് റഫീഖിനൊപ്പമുണ്ടായിരുന്ന ഒമാനി ഡ്രൈവര്‍ നിസ്സാര പരിക്കുകളോടെ രക്ഷപ്പെട്ടു. 11 വർഷ​ത്തോളമായി സുഹൂൽ ഫൈഹ കമ്പയിയിൽ പ്രവർത്തിക്കുന്ന റഫീഖ്​, മവേല മാർക്കറ്റിൽ ഡെലിവറി സൂപ്പർ വൈസറായാണ് ജോലി ചെയ്​തിരുന്നത്​. 

പിതാവ്​: മുഹമ്മദ്​, മാതാവ്​: അലീമ, ഭാര്യ: ഷഹാന, അഞ്ചും ഒന്നരയും വയസ്സുള്ള രണ്ട്​ മക്കളുണ്ട്​.