ന്യൂഡല്‍ഹി: പാകിസ്താനിലെ ഇന്ത്യന്‍ സ്ഥാനപതി ഗൗതം ബാംബവാലെയെ അവഹേളിച്ചതില്‍ പ്രതിഷേധിച്ച് പാക് ഹൈക്കമ്മീഷണര്‍ അബ്ദുല്‍ ബാസിത്തിനെതിരെ ഇന്ത്യയുടെ സമ്മന്‍സ്.

കശ്മീര്‍ വിഷയത്തില്‍ കറാച്ചി ചേംബര്‍ ഓഫ് കൊമ്മേഴ്‌സ് നടത്തിയ പരിപാടിയില്‍ ഗൗതം പങ്കെടുക്കേണ്ടിയിരുന്നു. എന്നാല്‍ അവസാന നിമിഷം ഇതു റദ്ദാക്കിയതായി പാക് അധികൃതര്‍ അറിയിക്കുകയായിരുന്നു. ഇതില്‍ പ്രതിഷേധിച്ചാണ് അബ്ദുല്‍ ബാസിത്തിന് ഇന്ത്യന്‍ വിദേശകാര്യ മന്ത്രാലയം സമ്മന്‍സ് നല്‍കിയത്.

പരിപാടി റദ്ദ് ചെയ്തതിനു സംഘാടകര്‍ കാരണമൊന്നും വിശദീകരിച്ചിട്ടില്ല. തിങ്കളാഴ്ച നടന്ന കറാച്ചി കൗണ്‍സില്‍ മീറ്റില്‍ പാകിസ്താനെതിരെ ഗൗതം പരാമര്‍ശം നടത്തിയിരുന്നു. ഇതേത്തുടര്‍ന്നായിരിക്കും ഗൗതമിനെ ഇന്നു നടക്കേണ്ടിയിരുന്ന പരിപാടിയില്‍ നിന്ന് ഒഴിവാക്കിയതെന്നറിയുന്നു. കശ്മീര്‍ വിഷയത്തില്‍ പാകിസ്താന്‍ ഇടപെടേണ്ടതില്ലെന്നാണ് ഗൗതം പറഞ്ഞത്.